Кіраўнік Вярхоўнай Рады Украіны Андрэй Парубій заклікаў прадстаўніцу «Апазіцыйнага блока» Наталлю Каралеўскую і ўсіх дэпутатаў выступаць з трыбуны парламента на ўкраінскай мове, піша»УП».
Спачатку, даючы слова Каралеўскай, Парубій папрасіў яе казаць па тэме законапраекта, які тычыўся пенсій.
Каралеўская пачала выступленне на рускай мове — і спікер папрасіў яе гаварыць на ўкраінскай, бо Вярхоўная Рада — орган дзяржаўнай улады.
Яна працягнула на ўкраінскай мове — і заклікала прымяняць гэты падыход да ўсіх дэпутатаў. Зала падтрымала прапанову.
Аднак пазней, ужо пры абмеркаванні іншага законапраекта, член «Апаблока» Аляксандр Далжанкоў зноў загаварыў па-руску і настойваў, што выступаць з трыбуны можна на любой мове.
Але спікер зноў заклікаў гаварыць на дзяржаўнай мове і не ствараць канфліктных сітуацый.
«Не рабіце канфлікту там, дзе яго няма. Ёсць адзіная дзяржаўная мова ва Украіне — гэта ўкраінская», — сказаў Парубій.
Ён адзначыў, што ні ў адным парламенце еўрапейскіх краін немагчыма было б выступаць на мове іншай дзяржавы дэпутату гэтай краіны.
«Хочаце пераклад — запішыцеся… Але не правакуйце канфлікт і супрацьстаянне», — заклікаў кіраўнік Вярхоўнай Рады.
-
Фіца: Славакія прыпыніць пастаўкі электраэнергіі ва Украіну, калі Кіеў будзе перашкаджаць пастаўкам нафты праз «Дружбу»
-
Другакласнік у Германіі падаў заяўку на вакансію інспектара дзіцячых пляцовак. І яго амаль узялі!
-
Міністр замежных спраў Венгрыі назваў умову, пры якой краіна падтрымае выдачу Украіне 90 млрд еўра
Каментары