U hetyja vychadnyja dni ŭ Biełarusi čakajecca syroje i adnosna ciopłaje nadvorje. Zachavajecca pavyšany tempieraturny režym, bolš charakterny dla pieršaj pałovy sakavika.
Pra heta TUT.BY raspaviała namieśnik načalnika słužby mietearałahičnych prahnozaŭ Respublikanskaha centra pa hidramietearałohii Śviatłana Rybakova.
Atłantyčnyja cykłony, ssoŭvajučysia pa poŭnačy Jeŭropy, praciahnuć pastaŭlać u Biełaruś ciopłaje vilhotnaje pavietra. Apadki buduć vypadać u vyhladzie mokraha śniehu i daždžu.
18 lutaha, u subotu, nočču pad upłyvam frantalnaha padziełu na značnaj častcy terytoryi, a dniom pieravažna pa paŭdniovym uschodzie krainy projduć nievialikija karotkačasovyja apadki ŭ vyhladzie daždžu i mokraha śniehu. Nočču i ranicaj čakajecca słabyja tuman i hałalod. Na asobnych učastkach daroh zachavajecca hałalodzica. Tempieratura pavietra minimalnaja nočču -3 — + 2°S, maksimalnaja dniom 0 — + 5°S.
U Minsku nočču nievialikija karotkačasovyja apadki, mokry śnieh, doždž, dniom bieź istotnych apadkaŭ. Nočču i ranicaj słabyja tuman i hałalod. Tempieratura pavietra minimalnaja nočču 0 — -2°S, maksimalnaja dniom +1 — +3°S.
U niadzielu nočču pieravažna biez apadkaŭ, ranicaj i dniom pad upłyvam čarhovaj sistemy frantoŭ, jakija źmiaščajucca sa Skandynavii, u asnoŭnym pa paŭnočna-zachodniaj pałovie našaj krainy projduć karotkačasovyja apadki (mokry śnieh, doždž). Mahčymy słaby tuman, nočču i ranicaj słaby hałalod. Na asobnych učastkach daroh zachavajecca hałalodzica. Dniom pa poŭnačy krainy čakajecca paryvisty viecier. Tempieratura pavietra minimalnaja nočču -4 — +1°S, maksimalnaja dniom -1 +4°S.
20—21 lutaha atmaśfiernyja franty abumoviać na bolšaj častcy terytoryi krainy karotkačasovyja apadki (mokry śnieh, doždž), jakija buduć supravadžacca paryvistym vietram. Čakajecca słaby tuman, nočču i ranicaj hałalod. Tempieratura pavietra minimalnaja nočču -3 +4°S, maksimalnaja dniom 0 — + 7°S.
