Daktary ŭ Minsku pačali chadzić na vizity z płanšetami, jakija dazvalajuć addalena pracavać z elektronnaj ambułatornaj kartaj, farmiravać elektronnyja nakiravańni na łabaratornyja daśledavańni, a taksama vypisvać elektronnyja recepty. Piłotny prajekt realizujuć Abjadnany instytut prablem infarmatyki (AIPI) NAN Biełarusi i kampanija Velcom z 39-j haradskoj kliničnaj paliklinikaj h. Minska.
Doktar zanosić u płanšet infarmacyju ab vynikach ahladu, jakaja ŭ režymie realnaha času pastupaje ŭ palikliniku i zanosicca ŭ elektronnuju kartu. U vyniku niekalki śpiecyjalistaŭ mohuć adnačasova aznajomicca z vynikami praviedzienych ahladaŭ, kab zrabić bolš dakładnyja rekamiendacyi.
Pierachod daktaroŭ na płanšety — «ličbavyja miedbuki» — majuć na mecie pavyšeńnie jakaści miedycynskaj dapamohi doma. Padčas vizitu ŭčastkovy terapieŭt moža vykarystoŭvać dadzienyja z elektronnaj miedkarty pacyjenta. Vykarystańnie devajsaŭ taksama pavyšaje apieratyŭnaść pracy pa-za kabinietam: infarmacyja ab novym vykliku pastupaje prosta na płanšet, tamu pa zakančeńni ahladu doma ŭ adnaho pacyjenta doktar moža adrazu adpravicca da nastupnaha.
