U rehijonach deputaty piščom lezuć nazad, demakraty miescami razmnožylisia

Bieraście

U Bieraści i Biełaaziorsku zajavili pra svaje namiery znoŭ balatavacca ŭ Pałatu pradstaŭnikoŭ dziejnyja deputatyNina Fiedaruk i Jaŭhien Kazimirčyk. Jak paviedamiła naziralnica na vybarach Tamara Ščapiotkina, abodva praŭładnyja pretendenty aryjentujucca na administracyjny resurs.

“Źviartaje na siabie ŭvahu vialiki pamier inicyjatyŭnaj hrupy Kazimirčyka — 79 čałaviek. U hetuju hrupu ŭvajšli praktyčna ŭsie staršyni sielskich vykanaŭčych kamitetaŭ, kiraŭniki pradpryjemstvaŭ albo ich namieśniki pa idealohii”.

Tamara Ščapiotkina taksama paviedamlaje pra sustreču Niny Fiedaruk z pracoŭnym kalektyvam rajbalnicy ŭ Žabincy. Hościa zajaviła vybarcam, što jana čatyry hady ŭvachodziła ŭ kurs spraŭ parlamentu, a ciapier budzie vykonvać svaje zadumy.

Mahiloŭ

U vybarčym štabie Mahiloŭskaj abłasnoj kaalicyi demakratyčnych sił paviedamili, što na siońnia zarehistravanyja 18 inicyjatyŭnych hrup pretendentaŭ ad apazycyjnych arhanizacyjaŭ.

U vybarčym štabie aktyvista partyi BNF Andreja Jurkova paviedamili, što ŭ jaho padtrymku sabrana ŭžo bolš za sto podpisaŭ. Adzin z asnoŭnych punktaŭ vybarčaj prahramy vyłučenca ADS — niedapuščeńnie budaŭnictva ŭ Horackim rajonie atamnaj elektrastancyi.

“Prablema budaŭnictva AES zakranaje praktyčna ŭsich žycharoŭ našaha rehijonu. Pryncypovaja hrupa, jakaja nas padtrymlivaje, — heta maci, heta babuli, heta moładź i ludzi z dastatkovym uzroŭniem adukacyi”, — zaznačaje Andrej Jurkoŭ.

Apanentkaj Andreja Jurkova budzie dziejnaja deputatka pałaty pradstaŭnikoŭ, namieśnica staršyni pastajannaj kamisii pa pravach čałavieka, nacyjanalnych adnosinach i srodkach masavaj infarmacyi Taciana Asmałoŭskaja.

Pra svaju vybarčuju prahramu jana havaryć admoviłasia, spasłaŭšysia na toje, što jaje jašče nie zarehistravali kandydatkaj u deputaty. Pavodle słovaŭ deputata Asmałoŭskaj, ludzi jaje viedajuć i adpaviedna čakajuć ad jaje zaŭždy niečaha bolšaha:

My prazrystyja, pra nas ludzi viedajuć u dadzienym rehijonie. Jak havorycca, zaŭždy da svaich bolš patrabavańniaŭ, bolš niejkich abaviazkaŭ pierad narodam

“My prazrystyja, pra nas ludzi viedajuć u dadzienym rehijonie. Jak havorycca, zaŭždy da svaich bolš patrabavańniaŭ, bolš niejkich abaviazkaŭ pierad narodam, choć jany pavinny być roŭnymi, ale ŭsio adno heta tvoj kraj, heta tvaja radzima”.

Deputatam pałaty pradstaŭnikoŭ namahajecca stać i staršynia adzinaj u Biełarusi donarskaj niaŭradavaj arhanizacyi “Kropla žyćcia” Ihar Kavalenka.

Horadnia

Pa Haradzienskaj-Zaniomanskaj akruzie № 49 źbirajecca balatavacca były palitviazień Alaksandar Vasiljeŭ.

padaŭ skarhu praz advakata, a Jarmošyna adkazała mnie ŭžo ŭ turemnuju kameru, što ja nibyta spaźniŭsia sa skarhaj

Sa słoŭ Alaksandra Vasiljeva, jon zarehistravaŭ inicyjatyŭnuju hrupu z 20 čałaviek. Nahadaju, što ŭ 2004 hodzie spadar Vasiljeŭ zdaŭ u akruhovuju kamisiju 1200 podpisaŭ za svaju kandydaturu, ale nazaŭtra apynuŭsia ŭ haradzienskaj turmie za abrazu Alaksandra Łukašenki.

Jaho tady navat nie zarehistravali.

Vasiljeŭ kaža: “Ja padaŭ skarhu praz advakata, a Jarmošyna adkazała mnie ŭžo ŭ turemnuju kameru, što ja nibyta spaźniŭsia sa skarhaj”.

Spadar Vasiljeŭ kaža, što pieršy etap sioletnich vybaraŭ, kali farmavalisia akruhovyja kamisii, prajšoŭ niedemakratyčna — ułady nie dapuścili jaho i inšych zacikaŭlenych asobaŭ prysutničać pry hetym pracesie.

Na siońnia pa adnoj i toj ža Haradzienskaj Zaniomanskaj akruzie № 49, dzie balatujecca A.Vasiljeŭ, zarehistravany try inicyjatyŭnyja hrupy demakratyčnych kandydataŭ. Nakont hetaha spadar Vasiljeŭ kaža tak:

“Pa-pieršaje, da mianie nichto nie źviartaŭsia. Pa-druhoje, ja ŭžo treci raz budu balatavacca pa hetaj akruzie, i ja — niezaležny kandydat. I kali budzie zdarovaja kankurencyja — daj Boža. Ja budu zmahacca za toje, kab Biełaruś stała demakratyčnaj krainaj”.

Homiel

U Homielskaj-Centralnaj vybarčaj akruzie № 33 kamisija adchiliła dakumenty aktyvista stvaranaj partyi Svabody j prahresu Piatra Kuźniacova.

Kamisija matyvavała heta tym, što ŭ śpisie inicyjatyŭnaj hrupy nie byli paznačany majo miesca pracy j partyjnaść. Kuźniacoŭ kaža:

“Ja — aficyjna biespracoŭny, i pakolki partyja nie zarehistravanaja, to j biespartyjny. Nasamreč nie było čaho paznačać dadatkovaha da zajavy".

Pakolki čas dla rehistracyi inicyjatyŭnych hrupaŭ nie syšoŭ, kamanda Piatra Kuźniacova, vypraviŭšy pamyłku, nanava padała dakumenty na rehistracyju.

• 0
• 0
• 0
• 0
• 0
• 0
• 0
• 0