U minułym hodzie ŭ Biełarusi nie adbyłosia nivodnaj ździełki pa pryvatyzacyi dziaržpradpryjemstvaŭ, paviedamlaje tut.by. «Nie było navat nivodnaj prapanovy inviestara, za jakoha my mahli b začapicca», — pryznaŭsia pieršy namieśnik staršyni Dziaržkammajomaści Alaksiej Vasiljeŭ.
Dziaržava vyrašyła trochi źmianić padychody i prapanavała inviestaram novuju mahčymaść: nie prosta kupić pradpryjemstva, a ŭkłaścisia ŭ jaho za košt dadatkovaha vypusku akcyj. Takaja dadatkovaj emisii dazvalaje paźbiehnuć padvojnaha finansavańnia prajekta. U śpisie zaraz 22 arhanizacyi. Siarod ich — «Haryzont», «BATE», «Viciaź» i «Homsielmaš».
Pieralik hety nie kančatkovy. Staŭka zroblena na kitajskich pakupnikoŭ.
— Patrabavać ad inviestara i kupić akcyi, i ŭkłaści hrošy ŭ madernizacyju, napeŭna, u asobnych momantach nie zusim pravilna, — kaža Vasiljeŭ.
U vypadku z dadatkovaj emisii biznes atrymlivaje mahčymaść ŭlivańnia hrošaj niepasredna ŭ samo pradpryjemstva, atrymlivajučy za heta pracent akcyj.
Pradstaŭnik DKM nahadaŭ, što Biełaruś hatovaja pradać luboje dziaržpradpryjemstva, ale zychodziačy ź jaho realnaha koštu. Nie vyklučana, što ŭ najbližejšaj budučyni pakiety akcyj da 25% buduć tarhavacca na fondavaj biržy.
Pošuk stratehičnych partnioraŭ dla bujnych dziaržpradpryjemstvaŭ zamacujuć za Nacyjanalnym ahienctvam inviestycyj i pryvatyzacyi.
