Čarhovaja pieradača «Sprava pryncypu» na telekanale ANT była pryśviečanaja temie patryjatyzmu napiaredadni daty 23 lutaha. Naturalna, što ŭ hetym kantekście byli zakranutyja i niekatoryja histaryčnyja pytańni.
«Mnie nie padabajecca słova «achviarnaść», heta nie pra siońniašni dzień. Siońnia vychoŭvać treba nie na trahiedyi, a na pośpiechu, — takoje mierkavańnie vykazaŭ kiraŭnik ruchu «Havary praŭdu» Andrej Dźmitryjeŭ. — Jašče jość važny momant: patryjatyzm naradžajecca ź viedaŭ, kali ja viedaju čym hanarycca, z adčuvańnia, što za mnoj staić nie tolki maja siamja, ale i ahramadnaja historyja. U našaj krainy jość vielmi paśpiachovaja historyja — jana nazyvajecca stvareńnie biełaruskaj dziaržavy. Naleta budzie 100 hadoŭ abviaščeńnia Biełaruskaj narodnaj respubliki».
«BNR jak dziaržava nie adbyłasia. Kali vy kažacie pra paśpiachovaść, to BNR, miakka kažučy, heta nie samy ŭdały prykład. BNR — heta byŭ pravał», — vielmi burna adreahavaŭ na heta viadučy pieradačy Vadzim Hihin.
U svaju čarhu Andrej Dźmitryjeŭ prapanavaŭ nazvać 2018 hod — Hodam Niezaležnaści. «Vy što, chočacie skazać, što niezaležnaść była pad niamieckaj akupacyjaj? Heta nie adpaviadaje histaryčnaj praŭdzie. Vy prapanujecie nam chłusić!» — nie sunimaŭsia spadar Hihin.
«Kali b nie była pradekłaravanaja BNR, to, dumaju, byli b prablemy z takoj chutkaj dekłaracyjaj BSSR, — ustupiŭ u dyskusiju historyk, kolišni deputat Viarchoŭnaha Savieta ad Apazicyi BNF Valancin Hołubieŭ.
— Heta ŭsio naša historyja, i nam treba jaje vykarystoŭvać tak, jak nam narmalna. Jak vykładčyk, ja kožny hod prymaju ŭ studentaŭ ekzamieny, za apošnija hady ŭ nas vielmi paniziłasia patryjatyčnaje vychavańnie. Niekatoryja studenty nie viedajuć, kali pačałasia Vialikaja Ajčynnaja vajna, kali končyłasia, chto pieramoh, chto takija partyzany, chto taki Mašeraŭ. Nam treba vychoŭvać i na tym, što było, ale taksama i na miescy našaj dziaržavy ŭ śviecie, jakaja ŭ nas armija».
«Biez Kastryčnickaj revalucyi nie było b Usiebiełaruskaha źjezda, BNR, raźvićcia BSSR. Jašče pra sieryjały. Ja pahladzieŭ niadaŭna sieryjał pra biełaruskuju milicyju, 100-hodździe jakoj my adznačajem sioleta, tam bačnaja ŭsia praca ludziej, jakija z nula stvarali milicyju. Paśla hetaha ja inšymi vačyma pahladzieŭ na siońniašniuju milicyju. Voś hetyja ludzi — dla mianie patryjoty», — adznačyŭsia prarasijski publicyst Alaksiej Dziermant.
Ciapier čytajuć
Dźmitryja Łukašenki nie było z baćkam i bratami na adznačeńni 3 Lipienia8
Kamientary