Va Uzbrojenych siłach Rasii stvoranyja vojski infarmacyjnych apieracyj, paviedamiŭ ministr abarony krainy Siarhiej Šajhu. Pra heta piša VVS.
«Za hety čas stvoranyja vojski infarmacyjnych apieracyj, što značna efiektyŭniej i macniej za ŭsio toje, što raniej my stvarali ŭ kirunku, jaki nazyvaŭsia kontrprapahandaj», — raskazaŭ ministr, vystupajučy ŭ Dziarždumie RF.
Sa słoŭ kiraŭnika kamiteta Dziarždumy pa abaronie Uładzimira Šamanava, vojski infarmacyjnych apieracyj stvoranyja pierš za ŭsio «dla abarony intaresaŭ nacyjanalnaj abarony i prociborstva ŭ infarmacyjnaj śfiery».
Rasijskija ŭłady raniej abviarhali paviedamleńni ab tym, što ŭ krainie isnujuć kibiervojski.
U studzieni hazieta «Kommiersant» sa spasyłkaj na daśledavańnie mižnarodnaj kampanii Zecurion Analytics pisała, što Rasija ŭvachodzić u piaciorku krain pa kolkaści i finansavańniu kibiervojskaŭ, jakija zajmajucca špijanažam, kibieratakami i infarmacyjnymi vojnami. Pavodle danych kampanii, kolkaść rasijskich kibiervojskaŭ składaje prykładna 1000 čałaviek, a ich finansavańnie moža štohod składać kala 300 młn dalaraŭ.
Paśla hetaj publikacyi kiraŭnik kamiteta Savieta Fiederacyi pa abaronie i biaśpieki Viktar Ozieraŭ zajaviŭ ahienctvu Interfaks, što kibiervojskaŭ u struktury Uzbrojenych sił Rasii niama. Pry hetym jon adznačyŭ, što va ŭsich krainach, jakija pretendujuć na rolu zvyšdziaržaŭ, «viadoma ž, viaducca hetyja raspracoŭki, tamu što nieabchodna mieć u svaim arsienale, u tym liku, i takija srodki baraćby z praciŭnikam».
Načalnik Hienštaba Uzbrojenych sił RF (2004-2008 hady) hienierał armii Juryj Bałujeŭski, kamientujučy zajavu Siarhieja Šajhu, skazaŭ, što pieramoha ŭ infarmacyjnym prociborstvie čaściakom maje bolšaje značeńnie, čym u kłasičnaj vajnie.
«Pieramoha nad praciŭnikam u hetaj vajnie moža być našmat važniejšaj, čym pieramoha ŭ kłasičnym vajennym supraćstajańni, bo jana biaskroŭnaja, a efiekt vydatny — jon abiaskroŭlivaje i paralizuje ŭsie orhany ŭłady dziaržavy-supiernika», — skazaŭ Bałujeŭski.
U pačatku 2000-ch hadoŭ pry akademii Hienštaba VS RF byli stvoranyja kursy pa padrychtoŭcy aficeraŭ dla infarmacyjnaha prociborstva.
Ciapier čytajuć
Na mitynhu ŭ Vilni zatrymali pravakatara. A Cichanoŭski zajaviŭ pra namier dabivacca sustrečy ź Zialenskim1
Kamientary