Kolki ciahniecca Vialiki post?
U pravasłaŭnych chryścijan sioleta jon pačynajecca 27 lutaha i budzie doŭžycca da 15 krasavika, až da Vialikadnia, jaki ŭ hetym hodzie i pravasłaŭnyja, i kataliki adśviatkujuć u adzin dzień — 16 krasavika. Ale apošnija pačnuć paścić tolki 1 sakavika.
Kali kazać prosta, to Vialiki post źjaŭlajecca šlacham da Vialikadnia. Takim čynam vierniki ŭšanoŭvajuć pamiać Chrysta, jaki ŭ svoj čas paściŭsia ŭ pustyni 40 dzion.
Asnoŭnyja praviły
Samyja strohija patrabavańni tyčacca pieršaha i apošniaha tydnia. Jeści dazvalajecca tolki adzin raz na dzień, pažadana ŭviečary. Na vychodnych možna dazvolić sabie dva pryjomy ježy.
Što kateharyčna nielha jeści?
U post tradycyjny nie jaduć miasa, małočnaha, jajek i astatnich praduktaŭ žyviolnaha pachodžańnia, a taksama sałodkaj vypiečki.
Čym siłkavacca ŭ post?
Siarod asnoŭnych praduktaŭ, dazvolenych u post, — chleb, roznyja krupy, salonaja i marynavanaja harodnina, vareńnie ź jahad i sadaviny, babovyja, hryby, suchafrukty, arechi, miod, siezonnaja harodnina i sadavina, ryba (ale jaje možna ŭžyvać tolki dva razy za ŭvieś post).
Chvorym nie rekamiendujecca
Pravasłaŭnaja carkva dazvalaje nie trymać post niamohłym, chvorym, starym i dzieciam da siami hadoŭ. Taksama heta datyčyć ciažarnych i kormiačych žančyn.
Supraćpakazana takaja žorstkaja dyjeta i tym, chto chvareje na straŭnik, padstraŭnikavuju załozu, dyjabietykam i ludziam ź nizkim uzroŭniem hiemahłabinu ŭ kryvi.
Uvohule bolšaść śviataroŭ ličyć, što praviły charčavańnia ŭ Vialiki post — heta daloka nie hałoŭnaje. Nastajaciel prychoda chrama śviaciciela Śpirydona Trymifunckaha ŭ Minsku Alaksandr Palčeŭski kamientuje heta tak: «Z momantu hrechapadzieńnia Adama i Jevy ludzi jašče pry naradžeńni naśledujuć hrešnuju pryrodu. Carkva ž dapamahaje adnavić parušanuju suviaź čałavieka z Boham, viarnuć unutranuju harmoniju, a post — heta adzin z dastupnych nam srodkaŭ być lepš. Kožny hod ludzi zašmat uvahi nadajuć siłkavańniu padčas pasta, ale ježa — tolki pabočnaje. Na pieršym miescy staić zadača za hety pieryjad prasunucca i vyraści duchoŭna».
Ciapier čytajuć
Zialenski ŭ Vilni: Pakul špic Łukašenki maje bolš pravoŭ, čym narod Biełarusi17
Kamientary