Padčas vajennaj dyktatury 1976‑1983 Menendes, jakomu zaraz 80 hadoŭ, kamandavaŭ trecim armiejskim korpusam u Kordabie. Jon taksama adkazvaŭ za śledčyja izalatary i turmy, u jakich utrymlivalisia palityčnyja źniavolenyja.
Były vajenny asudžany na pažyćciovaje źniavoleńnie za katavańni i zabojstva čatyroch aktyvistaŭ Revalucyjnaj rabočaj partyi Chiłdy Pałasijas, Karłasa Łacha, Rubena Kardosa, Umberta Brandalizi.
Jany prapali biaź źviestak 15 śniežnia 1977 h. Jany byli skradzienyja vajennym režymam, źmieščanyja ŭ turmu i paśla miesiacu dopytaŭ i katavańniaŭ zabityja. Paźniej cieły palitviaźniaŭ byli vykinutyja na vulicu, kab padać abstaviny ich śmierci tak, što byccam jany zahinuli ŭ vuličnych bajach.
Sud nie ŭziaŭ pad uvahu ŭzrost hienerała — pavodle arhientynskich zakonaŭ, ludziam starej za 70 hod, turemnaje źniavoleńnie zamianiajecca chatnim aryštam.
Taki ž verdykt byŭ vyniesieny i ŭ dačynieńni da čatyroch šarahovych udzielnikaŭ chunty, jašče troje byli asudžanyja da turemnych terminaŭ ad 18 da 22 hadoŭ.
Pryhavor byŭ sustrety hučnymi apladysmentami ludziej, što sabralisia la budynka suda.