Psichijatry paviedamili, što ŭ Biełarusi pačali rehistravacca vypadki sprob suicydu maładych ludziej, jakija trapili ŭ zaležnaść ad sacsietak.
Viciebskim haradskim adździełam Śledčaha kamiteta Biełarusi pa fakcie sproby samahubstva školnicy, jakaja patrapiła ŭ zaležnaść ad «supołki śmierci» ŭ sacsietkach, raspačata kryminalnaja sprava, paviedamiła hazieta «SB. Biełaruś siehodnia», sa spasyłkaj na staršaha pamočnika prakurora Viciebska Volhu Karalovu.
«…Dziaŭčynka prachodzić lačeńnie ŭ abłasnym centry psichijatryi i narkałohii. Haradskim adździełam SK raspačata kryminalnaja sprava pa č. 2 art. 146 (schileńnie da samahubstva) Kryminalnaha kodeksa Biełarusi», — adznačyła Karalova.
Pavodle jaje słoŭ, školnica ŭvachodziła ŭ zakrytuju «supołku śmierci», zarehistravanuju ŭ sacsietkach, krok za krokam jana prachodziła «kvest» z elemientami suicydu. Praduchilili samahubstva supracoŭniki milicyi, adznačyła pamočnik prakurora Viciebska.
Vydańnie taksama cytuje hałoŭnaha doktara Viciebskaha abłasnoha centra psichijatryi i narkałohii Aleny Martynavaj: pa jaje źviestkach, heta nie adziny taki vypadak u horadzie. Martynava adznačyła, što 17-hadovaja dziaŭčyna raźmiaściła ŭ sacsietku pieradśmiarotnuju zapisku, u centr pra jaje paviedamiła studentka mieduniviersiteta. «My adrazu źviarnulisia ŭ kampietentnyja orhany, i dziaŭčynku vyratavali. Ciapier jana praktyčna ŭ normie, rychtujecca da vypiski z stacyjanara. Padobnyja historyi zdarylisia ŭ Viciebsku jašče z tryma dziaŭčynkami, adna ź jakich lečycca ambułatorna», — skazała psichijatr.
Kamientary