U Paryžy pačaŭsia mitynh prychilnikaŭ kandydata ŭ prezidenty ad Respublikanskaj partyi Fransua Fijona.
Fijon spadziajecca, što šmattysiačny mitynh prademanstruje, što jon pa-raniejšamu papularny, niahledziačy na toje što ŭ najbližejšaj budučyni suprać jaho moža być raspačata kryminalnaja sprava, a jaho kampanija praciahvajecca.
Vybarčuju kampaniju kandydata ad respublikancaŭ istotna pachisnuŭ finansavy skandał: Fijona padazrajuć u tym, što jon uładkavaŭ na pracu ŭłasnuju žonku i płaciŭ joj zarobak za pasłuhi, jakija jana na samaj spravie nie akazvała.
Sam Fijon i jaho žonka adkidajuć abvinavačvańni.
Zhodna z vynikami apytańniaŭ hramadskaj dumki, 70% francuzaŭ chacieli b, kab jon źniaŭ svaju kandydaturu.
U paniadziełak lidary partyi praviaduć naradu, kab abmierkavać hetuju situacyju.
Kali Fijon sapraŭdy choča prademanstravać svaju papularnaść, na mitynh jon pavinien sabrać nie mienš za 50 tysiač čałaviek, adnak jaho praciŭniki zajaŭlajuć, što heta ničoha nie dakazvaje, bo ŭdzielnikaŭ mitynhu arhanizavana zvoziać na aŭtobusach.
Ahladalniki ličać, što adzinaj alternatyvaj Fijonu, kali toj vyrašyć źniać svaju kandydaturu abo kali jaho prymusiać heta zrabić, zastajecca mer Bardo Alen Župe.
Pieršy tur vybaraŭ projdzie 23 krasavika.
