Irak
U Iraku siońnia śmiarotniki ŭčynili seryju teraktaŭ. Zahinuli sama mieniej 35 čałaviek.
U Bahdadzie
ŭ vyniku dvuch vybuchaŭ zabityja 24 čałavieki, 72 paranienyja. Vybuch učynili śmiarotnicy na šlachu, jakim išli šyickija pałomniki.
U Kirkuku na poŭnačy Iraku achviarami vybuchu stalisia 11 čałaviek, paranienyja bolš za 50. Śmiarotnik pryvioŭ u dziejańnie vybuchovaje prystasavańnie siarod demanstrantaŭ, jakija sabralisia na akcyju pratestu suprać zakonu pra miascovyja vybary, jaki razhladajecca parlamentam.
Indyja
U subotu, 26 lipienia, u indyjskim horadzie Achmedabadzie ŭ vyniku seryi vybuchaŭ zahinuli 45 čałaviek, 160 byli paranienyja. Adkaznaść uziała na siabie małaviadomaja hrupoŭka «Indyjski mudžachiedyn». Palicyja aryštavała 30 čałaviek. U niadzielu ŭ Achmedabadzie byli znojdzienyja novyja fuhasy.
Turcyja
Dva vybuchi adbylisia 27 lipienia ŭ Stambule na ludnaj vulicy. Jany prahrymieli za niekalki hadzinaŭ da pačatku razhladu Kanstytucyjnym sudom Turcyi spravy pra mahčymy rospusk kiroŭnaj Partyi spraviadlivaści j raźvićcia.
Kolkaść achviaraŭ dasiahnuła 16 čałaviek. Kali prahučaŭ pieršy vybuch, ludzi kinulisia dapamahać paranienym, tady spracavała druhoje prystasavańnie.
