Śpiecyjalisty NASA zajaŭlajuć, što znajšli sposab zrabić płanietu Mars prydatnaj dla žyćcia, paviedamlaje BIEŁTA. Jak piša Phys.orgsa spasyłkaj na vydańnie kanfierencyi Planetary Science Vision 2050 Workshop, adnavić atmaśfieru Marsa možna pry dapamozie štučnaha mahnita pobač z płanietaj.
NASA/GSFC
Navukoŭcy ličać, što na Marsie kala 4,3 młrd hadoŭ tamu była ščylnaja atmaśfiera, napoŭnienaja hazami. Jaje chapała dla razahrevu płaniety i źjaŭleńnia na jaje pavierchni akijanaŭ vady. Ale ŭ niejki momant na Marsie rezka źmianiŭsia klimat, jadro raspalenaha žaleza ŭnutry płaniety zastyła, i mahnitnaje pole praktyčna całkam źnikła. Paśla hetych padziej soniečny viecier vydźmuŭ atmaśfieru płaniety, a akijany vyparylisia.
Pry dapamozie mocnaha mahnita śpiecyjalisty chočuć sfarmavać štučnuju mahnitasferu Marsa. Jana abaraniła b Čyrvonuju płanietu ad soniečnaha vietru i vypramieńvańnia.
Atmaśfiera Marsa ź ciaham času stanie ščylniejšaja, tempieratura budzie vyšejšaja na 4°C. Heta moža rastapić lod z dyjaksidu vuhlarodu na paŭnočnym polusie Marsa, rastavańnie pryviadzie da parnikovaha efiektu, atmaśfiera nahrejecca jašče bolš. Heta adkryje vialikija mahčymaści dla budučych daśledavańniaŭ, a taksama kałanizacyi Marsa.
Adznačajecca, što bližejšyja vyniki śmiełaj prapanovy navukoŭcaŭ mohuć być atrymanyja tolki da 2040 hoda i navat paźniej.
