Dypłamaty ź siami ŭschodnieeŭrapiejskich krain vystupili ŭ aŭtorak na pasiadžeńni sienackaha padkamiteta pa finansach z zaklikam da amierykanskich zakanadaŭcaŭ padtrymać ich u supraćstajańni ŭmiašańniu ŭ ich spravy z boku Rasii i zachavać sankcyi suprać Kramla.
«Da taho času, pakul Rasija nie pakinie ŭkrainskuju ziamlu, nie pavinna być nijakaha pasłableńnia režymu sankcyjaŭ — zajaviŭ ministar zamiežnych spraŭ Ukrainy Pavieł Klimkin — ich nieabchodna pašyryć.
Jak paviedamlaje infarmacyjnaje ahienctva Reuters, hety zaklik padtrymali ambasadary Polščy, Hruzii, Łatvii, Litvy i Estonii. Jany acanili dziejańni Rasii jak «hibrydnuju vajnu» u ramkach jakoj Kreml vykarystoŭvaje kibierataki, prapahandysckuju kampaniju i pahrozy prymianieńnia siły.
Staršynia padkamiteta sienatar-respublikaniec Lindsi Hrem, jaki niezadoŭha da pasiadžeńnia abmierkavaŭ z prezidentam Donaldam Trampam pytańni źniešniaj palityki, abviaściŭ dypłamatam, što prezident ZŠA, na jaho dumku, budzie ich dobrym sajuźnikam.
