Дыпламаты з Усходняй Еўропы просяць Сенат ЗША абараніць іх краіны ад Расіі
Дыпламаты з сямі ўсходнеэўрапейскіх краін выступілі ў аўторак на пасяджэнні сенацкага падкамітэта па фінансах з заклікам да амерыканскіх заканадаўцаў падтрымаць іх у супрацьстаянні ўмяшанню ў іх справы з боку Расіі і захаваць санкцыі супраць Крамля.
«Да таго часу, пакуль Расія не пакіне ўкраінскую зямлю, не павінна быць ніякага паслаблення рэжыму санкцыяў — заявіў міністар замежных спраў Украіны Павел Клімкін — іх неабходна пашырыць.
Як паведамляе інфармацыйнае агенцтва Reuters, гэты заклік падтрымалі амбасадары Польшчы, Грузіі, Латвіі, Літвы і Эстоніі. Яны ацанілі дзеянні Расіі як «гібрыдную вайну» у рамках якой Крэмль выкарыстоўвае кібератакі, прапагандысцкую кампанію і пагрозы прымянення сілы.
Старшыня падкамітэта сенатар-рэспубліканец Ліндсі Грэм, які незадоўга да пасяджэння абмеркаваў з прэзідэнтам Дональдам Трампам пытанні знешняй палітыкі, абвясьціў дыпламатам, што прэзідэнт ЗША, на яго думку, будзе іх добрым саюзнікам.
Цяпер чытаюць
Пабіўшы рэкорд, цэны на кватэры ў Мінску пачалі прасядаць. Колькі цяпер у сярэднім просяць за метр?2
Каментары