Babrujski rajonny sud pakaraŭ palityka Alesia Čyhira 10 sutkami aryštu j štrafam u pamiery 60 bazavych vieličyniaŭ — heta 2 miljony 100 tysiač rubloŭ.
Babrujski rajonny sud pakaraŭ palityka Alesia Čyhira 10 sutkami aryštu j štrafam u pamiery 60 bazavych vieličyniaŭ — heta 2 miljony 100 tysiač rubloŭ.
Sudździa Babrujskaha rajonnaha sudu Alaksiej Klimaŭ pryznaŭ palityka vinavatym u ździajśnieńni drobnaha chulihanstva, niepadparadkavańni patrabavańniam milicyi j paškodžańni transpartnaha srodku — taksoŭki.
Praź piać dzion prysud ustupić u siłu. Za hety čas u Alesia Čyhira budzie mieć mahčymaść abskardzić pastanovu ŭ mahiloŭskim abłasnym sudzie.
Aleś Čyhir vinavatym siabie nie pryznaje j zaznačaje, što prysud palityčna matyvavany.
«Jon raźličany na toje, kab ja spyniŭ svaju vybarčuju kampaniju, ale ja taho nie zrablu. Bližejšymi dniami ja abskardžu pastanovu babrujskaha sudu», — zaznačyŭ Aleś Čyhir.
Alesia Čyhira zatrymali pozna ŭviečary 29 traŭnia, kali jon ź siamjoj viartaŭsia ad svajakoŭ dadomu taksoŭkaj. Paśla taho, jak z taksistam raźličylisia, Aleś paprasiŭ u jaho ček na apłatu; toj adrazu pačaŭ kanfliktavać.
Kali žonka Čyhira z dačkoj vyjšli z mašyny, taksist adrazu ž pajechaŭ, nia daŭšy vyjści samomu Alesiu. Kiroŭca spyniŭsia tolki kala milicejskaha patrula, jaki dastaviŭ palityka ŭ pastarunak. U pastarunku, pavodle spadara Čyhira, jaho mocna źbili.
Kamientary