Učora ŭ Oršy była zatrymanaja žurnalistka radyjo «Svaboda» Halina Abakunčyk.
Halina patrapiła na Płošču ŭ Oršy i viała stul žyvy repartaž. Amal usich astatnich žurnalistaŭ zatrymali ŭ elektryčkach i na vakzale.
Pry zatrymańni Abakunčyk zapatrabavała, kab supracoŭniki pradstavilisia i patłumačyli pryčyny zatrymańnia. Hetaha jany nie zrabili. Pry hetym u Haliny siłaj, prycisnuŭšy da ściany, zabrali telefon, nie dali źviazacca z redakcyjaj.
Paśla znachodžańnia ŭ pastarunku «Babiničy» Halinu dastavili ŭ hałoŭny budynak RAUS dla «vyśviatleńnia asoby».
U Haliny było z saboju paśviedčańnie Ministerstva zamiežnych spraŭ Biełarusi ab akredytacyi i pašpart.
Halina Abakunčyk pačała pracoŭny šlach na zavodzie «Intehrał» i pryjšła ŭ žurnalistyku praź biełaruskuju niezaležnickuju supołku «Tałaka» ŭ 1980-ch. Heta adna z samych daśviedčanych reparciorak krainy. Jak žurnalistku, jaje viedajuć tysiačy ludziej.
