Pasolstva Litvy ŭ Biełarusi 28 lipienia adnaviła pracu ŭ zvyčajnym režymie. Pra heta paviedamiła pres-ataše pasolstva Kryścina Pakanite.
Pasolstva Litvy ŭ Biełarusi 28 lipienia adnaviła pracu ŭ zvyčajnym režymie. Pra heta paviedamiła pres-ataše pasolstva Kryścina Pakanite.
«Tyja biełaruskija hramadzianie, jakija zapisalisia na pryjom na 25 lipienia, buduć absłuhoŭvacca, zhodna sa svaimi talonami, 1 žniŭnia. Vydača pašpartoŭ tym, chto padaŭ dakumenty da incydentu, praciahvajecca ŭ zvyčajnym režymie», — skazała K.Pakanite.
Pryjom dakumentaŭ biełaruskich hramadzian u pasolstvie byŭ časova spynieny ŭ suviazi z aktam vandalizmu, jaki adbyŭsia ŭ noč z 24 na 25 lipienia. Nieviadomyja kinuli na terytoryju pasolstva butelki z farbaj, razmalavali aharodžu dyppradstaŭnictva symbolikaj Nacyjanał-balšavickaj partyi (NBP) — niezarehistravanaj pravaradykalnaj arhanizacyi. Z hetaj pryčyny pasoł Litvy ŭ Minsku Edminas Bahdonas vykazaŭ pratest pradstaŭnikam biełaruskaha MZS z patrabavańniem vyśvietlić sytuacyju, znajści vinavatych, a taksama pryniać miery pa niedapuščeńni ŭ budučym parušeńnia imunitetu pasolstva Litvy i vykanańni norm Vienskaj kanvencyi 1961 hoda.
U suviazi ź incydentam biełaruskimi pravaachoŭnymi orhanami raspačata sprava na padstavie č. 1 art. 339 Kryminalnaha kodeksa (chulihanstva).
Na rasijskim sajcie NBP vykładzieny tekst ulotki, jakaja była zakinutaja na terytoryju litoŭskaha pasolstva ŭ Minsku razam z butelkami z farbaj. U joj vykazany pratest suprać pryniatych u Litvie papravak da zakona ab schodach, jakija zabaraniajuć vykarystoŭvać padčas masavych mierapryjemstvaŭ symbali nacysckaj Hiermanii i Savieckaha Sajuza. «Zabarona zakranuła savieckuju piacikancovuju čyrvonuju zorku, sierp i mołat, a taksama himny Savieckaha Sajuza i Litoŭskaj SSR», — zaznačajecca va ŭlotcy. Prychilniki NBP ličać, što «pryraŭnoŭvańnie savieckaj atrybutyki da nacysckaj źjaŭlajecca najhrubiejšaj sprobaj pierahladu vynikaŭ Vialikaj Ajčynnaj vajny, admaŭleńniem roli Savieckaha Sajuza ŭ vyzvaleńni śvietu ad nacyzmu».
-
Što rabić baćkam, kali ich dzicia ckujuć u škole, kab bulinh nie skončyŭsia trahiedyjaj? Tłumačyć psichołah
-
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
-
Zołatava raskazała pra palitźniavolenuju Volhu Čukaravu ź insultam, što aślepła ŭ kałonii. Joj kazali: «Vy prydurvajeciesia?»
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski8
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2323
Kamientary