Ministr Markaŭ zajaviŭ, što treba zmahacca z tymi, chto kaža pra ŭščamleńnie ruskaj ci biełaruskaj movy
«I tyja, i inšyja, budziem tak kazać, vielmi blizkija da taho, kab zajavić u dačynieńni da ich pra toje, što jany prajaŭlajuć ekstremisckija idei».
Ministr infarmacyi Marat Markaŭ u efiry STB zakranuŭ moŭnaje pytańnie.
«Vy sami bačycie, što mienavita vakoł moŭnych prablem u nas łamajuć dzidy, skažam tak. I isnuje dźvie absalutna dyjamietralna supraćlehłyja hrupy. Adny, jakija havorać pra toje, što biełaruskuju movu ŭščamlajuć u krainie, inšyja, jakija kryčać pra toje, što ŭščamlajuć ruskuju movu.
I tyja, i inšyja, jany pracujuć nie na karyść dziaržavy. I tyja, i inšyja, budziem tak kazać, vielmi blizkija da taho, kab zajavić u dačynieńni da ich pra toje, što jany prajaŭlajuć ekstremisckija idei, tamu što sprabujuć unieści razład u naša hramadstva. I z tymi, i ź inšymi, treba zmahacca».
Markaŭ dadaŭ, što niedapuščalna pa moŭnaj prykmiecie dapuskać raskoł.
«Mienavita na hetym ździajśnialisia ciažkija złačynstvy ŭ mnohich krainach, mienavita pa nacyjanalnaj i pa moŭnaj prykmiecie. (…) Tamu ŭ hetym płanie pazicyja ministerstva budzie vielmi žorstkaj», — adznačyŭ Markaŭ.
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć8
Kolki biełarusaŭ atrymali polskaje hramadzianstva za apošni čas. Ličby ŭražvajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary