Učora Alaksandr Łukašenka naviedaŭ dźvie kampanii Viktara Prakapieni i padtrymaŭ kancepcyju stvareńnia ŭ Biełarusi IT-krainy. Vykazaŭsia kiraŭnik krainy i ab mahčymaj častkovaj vytvorčaści hadžetaŭ. Videa sustrečy apublikavana na YouTube-kanale infarmacyjnaha ahienctva BiełTA.
Havorka išła pra nieabchodnaść vyrablać IT-pradukty ŭ Biełarusi całkam, a nie vykonvać aŭtsorsinhavyja pracy dla zamiežnych kampanij. Inviestar Michaił Huceryjeŭ prapanavaŭ pieratvaryć Biełaruś u krynicu novych technałohij, a nie «prydatak zachodnich krain».
— Ja zhodny. Zrazumieła, što voś hetyja prahramy jany tut robiać, navat u hetaj zale mohuć zrabić, - skazaŭ prezident. - Ale ja chaču, kab jany vyrablali hetyja efiekty, nu, hruba kažučy, na zavodach niedzie, telefony, ajfony i inšaje. Prykładna pačali rabić i stvarali ŭ cełym elemienty hetaha pradukta. Nu, kali nie na sto adsotkaŭ, to chacia b na pačatkovym etapie napałovu, na 65%. Hetym samym jany zadziejničajuć patencyjał krainy. Ja z hetym zhodny. A što vy kankretna prapanujecie — my vyvučym.
Raniej prezident ŭžo zhadvaŭ «hadžety, ajfony i płafony» u adnym sa svaich vystupaŭ. Na dumku Łukašenki, «heta budzie prynosić bahaćcie ŭ budučyni - sučasnyja, najnoŭšyja technałohii».
