Kampanija «Minsk Prynces Hatel», jakaja źjaŭlajecca ŭładalnikam budynka hatela Crowne Plaza, maje surjoznyja finansavyja prablemy. Pra heta TUT.BY raspaviali dva infarmavanyja surazmoŭcy.
«Minsk Prynces Hatel» — heta prablemny daŭžnik. Kamu jany tolki ŭžo nie vinnyja: biudžetu, bankam, partnioram… Pastajanna abiacajuć, što voś-voś niešta pradaduć za miažoj i raźličacca», — raspavioŭ surazmoŭca, znajomy z chodam pieramovaŭ.
U studzieni-lutym kampanija «Minsk Prynces Hatel» apynułasia ŭ śpisie daŭžnikoŭ biełaruskaha biudžetu, jaki publikuje Ministerstva pa padatkach i zborach.
«Uzrosłaja kankurencyja z prychodam u Minsk novych mižnarodnych haściničnych apierataraŭ, źnižeńnie kolkaści pastajalcaŭ na fonie kredytorskaj zapazyčanaści i siamiejnych prablem pryviali da taho, što kampanija apynułasia ŭ składanym stanoviščy», — raspavioŭ surazmoŭca, blizki da adnaho z kredytoraŭ.
Crowne Plaza Minsk - pieršy hatel mižnarodnaj sietki ŭ Biełarusi. Jon źjaviŭsia paśla rekanstrukcyi haścinicy «Śvisłač» u 2008 hodzie kampanijaj «Minsk Prynces Hatel». Heta daččynaja struktura Princess International Group, zasnavanaja tureckim miljanieram Sudzi Azkanam. Akramia taho, turki vałodajuć u Biełarusi niekalkimi kazino Princess.
Raniej Azkan chacieŭ naraścić prysutnaść u haściničnym siektary Biełarusi. Adnak ŭ 2016 hodzie zamaroziŭ realizacyju dvuch prajektaŭ. Spačatku kampanija «Minsk Prynces Hatel» skasavaŭ inviestdahavor z uładami Biełarusi ab budaŭnictvie hatela na miescy palihrafkambinata kala płoščy Jakuba Kołasa. Pahadnieńnie ź biełaruskimi ŭładami mierkavała lhoty i prefierencyi, ale potym było vyrašana realizoŭvać prajekt na ahulnych padstavach.
Letam minułaha hoda turki zakansiervavali budoŭlu na miescy byłoha kinateatra «Sučaśnik» na vulicy Charkaŭskaj u Minsku. Pa słovach minskich čynoŭnikaŭ, takoje rašeńnie było pryniata kampanijaj praź niedachop srodkaŭ na praciah budaŭnictva kulturna-zabaŭlalnaha centra (choć pieršapačatkova było žadańnie ŭźvieści haścinicu). Kansiervacyja doŭžycca terminam da troch hadoŭ, ale inviestar moža adnavić budaŭničyja raboty na praciahu hetaha času ŭ luby momant paśla źjaŭleńnia finansavańnia, abnadziejvali čynoŭniki.
U kampanii «Minsk Prynces Hatel» nie adkazali na zapyt.
-
Jak Radzim Harecki pramianiaŭ karjeru ŭ Maskvie na Minsk i nie paškadavaŭ. Historyja žyćcia 96-hadovaha vice-prezidenta Akademii navuk
-
Paźniak: Vypuskajuć tolki prarasijskich ludziej, a nie biełaruskich patryjotaŭ
-
Lidar na Pireniejach. Źjaviŭsia «narodny» rejtynh ustanoŭ, praź jakija jašče možna atrymać šenhienskuju vizu
Kamientary