Siońnia ŭ Maładziečnie buduć sudzić žurnalistku za artykuł pra akcyju «niedarmajedaŭ»
U minułuju piatnicu supracoŭniki milicyi skłali administracyjny pratakoł na redaktara sajta Kraj.by Śviatłanu Ciško. Žurnalistku vinavaciać u parušeńni paradku arhanizacyi masavych mierapryjemstvaŭ (art. 23.34).
Pretenzii milicyi zaklučajucca ŭ tym, što infarmacyjny sajt paviedamlaŭ pra padrychtoŭku niesankcyjanavanaj akcyi pratestu suprać Dekreta №3, jakaja prajšła ŭ Maładziečnie 10 sakavika.
Supracoŭniki milicyi ličać, što raźmiaščeńniem takoj infarmacyi redaktar sajta zaklikała hramadzianaŭ da ŭdziełu ŭ niesankcyjanavanym mitynhu. Sama Śviatłana Ciško pierakananaja, što nijakim čynam nie parušała zakanadaŭstva i nikoha nie zaklikała nikudy vychodzić.
— Heta byŭ zvyčajny infarmacyjny materyjał pra toje, jak u horadzie rychtujucca da akcyi, napiaredadni jakoj centralnuju płošču Maładziečna navat abnieśli mietaličnaj aharodžaj, — raskazała Śviatłana pres-słužbie BAŽ.
Praces nad Śviatłanaj Ciško raspačniecca a 16-30 u sudzie Maładziečanskaha rajona (h.Maładziečna, vuł.Partyzanskaja, 5)
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary