Amapaviec: Aleś Łahviniec pry zatrymańni biŭsia hałavoj ab siadzieńnie aŭto
Palityka Alesia Łahvinca, zatrymanaha i źbitaha 23 sakavika, sudziać u sudzie Maskoŭskaha rajona Minska. Pavodle jaho syna Antosia, spačatku zatrymanaha razam z baćkam, nikoha z svajakoŭ na sud nie puścili, ale jon paśpieŭ abniać rodnych pierad załaj suda, u tym liku maleńkaha małodšaha syna.
«Na vulicy Kasmanaŭtaŭ 23 sakavika niecenzurna łajaŭsia», — začytvaje pratakoł sudździa Kazak. Łahviniec asprečvaje: jon išoŭ z synam, na ich nakinulisia nieviadomyja, vyhladali i pavodzili siabie jak bandyty.
Łahviniec kaža, što heta było źbićcio i vykradańnie. Śviedka Alaksandr Kavalčuk, AMAPaviec, zatrymlivaŭ Łahvinca. Kaža, što ŭ 12.40 zaŭvažyŭ hramadzianina, jaki łajaŭsia… Papiaredzili. Pasadzili jaho ŭ mašynu.
«Łahviniec biŭsia hałavoj ab siadzieńnie aŭtamabila. My nadzieli na ruki kajdanki. Cialesnyja paškodžańni Łahviniec nanies sabie sam, biŭšysia hałavoj ab aŭtamabil».
Łahviniec ustaŭ, kab pahladzieć u vočy Kavalčuku. Kaža pra iłžeśviedčańni. Nazvaŭ Kavalčuka chłusam.
Łahvinca sprabavali sudzić za «drobnaje chulihanstva» ŭ dzień zatrymańnia, 23 sakavika. Ale z suda jamu vyklikali «chutkuju dapamohu» i advieźli ŭ lakarniu. Sa słoŭ syna, u Alesia Łahvinca strasieńnie, zakrytaja čerapna-mazhavaja traŭma, pierałom nosa. U lakarni jaho pilnavali «ludzi ŭ cyvilnym».
Aleś Łahviniec asudžany na 10 sutak
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary