Prezident Ukrainy Piatro Parašenka zadekłaravaŭ 12 295 570 hryŭniaŭ (kala 455 tys. dalaraŭ) dachodaŭ za 2016 hod.
Pra heta śviedčać danyja Adzinaha dziaržaŭnaha rejestra dekłaracyj asob, upaŭnavažanych na vykanańnie funkcyj dziaržavy abo miascovaha samakiravańnia, piša UP.
president.gov.ua
U pryvatnaści, jaho zarabotnaja płata skłała 366 342 hryŭny, dachod ad adčužeńnia kaštoŭnych papier i karparatyŭnych praŭ — 26 252 hryŭny, a pracenty (Mižnarodny inviestycyjny bank) — 11 902 976 hryŭniaŭ.
Dachod žonki prezidenta Maryny Parašenka skłaŭ 75 tys. hryŭniaŭ u 2016 hodzie.
U 2016 hodzie Parašenka ŭnios na rachunak u Rothschild Bank (Šviejcaryja) 1 063 988 dalaraŭ, na rachunak u Mižnarodny inviestycyjny bank (MB) — 393 funty sterlinhaŭ, taksama na rachunkach u MIB ŭ jaho 25,9 młn dalaraŭ (u papiarednim spravazdačnym hodzie było 26, 3 młn), 9,9 tys. jeŭra (było 14, 4 tys.) i 80,8 tys. hryŭniaŭ (było 540,5 tys.), u žonki Maryny — 4,3 tys. jeŭra (było 8,9 tys.) i 115,2 tys. hryŭniaŭ (była 71 tys.).
Z najaŭnych hrašovych srodkaŭ prezident zadekłaravaŭ 60 tys. dalaraŭ i 900 tys. hryŭniaŭ.
Parašenka ŭnios 8 młn 190 tys. hryŭniaŭ u «Prajm Esets Kepitał» (było zadekłaravana za 2015 hod) i zaniaŭ 3 młn 430 tys. dalaraŭ (u papiarednim hodzie była zadekłaravanaja pazyka 3,9 młn dalaraŭ) i 1 młn 111 tys. hryŭniaŭ trecim asobam.
Va ŭłasnaści prezidenta zastajecca Lipieckaja kandytarskaja fabryka «Rašen» i źviazanyja ź joj kampanii «RašenTrans» i «Rašen».
Žonka prezidenta Maryna ŭ 2016 hodzie zapłaciła 11 tys. 700 jeŭra za karystańnie žyłym pamiaškańniem firmie Feruvita S. L. u Ispanii, jakaja zhodna z dekłaracyjaj, naležyć Parašenku.
Siarod vydatkaŭ Parašenki taksama pakazana 6 płaciažoŭ ad 557000 da 609000 hryŭniaŭ kožny za navučańnie.
Taksama prezident unios 7 młn 327 tysiač hryŭniaŭ u lik budučaha nabyćcia nienazvanaj ruchomaj majomaści.
Źviestki ab nieruchomaści ŭ dekłaracyi kiraŭnika dziaržavy nie adroźnivajucca ad uniesienych u papiaredniuju elektronnuju dekłaracyju.
Parašenka taksama vałodaje aŭtamabilem Mercedes-Benz Vito 2010 hoda vypusku koštam 441 tys. hryŭniaŭ na 2010 hod (mašyna taksama ŭ karystańni jaho siamji), i kataram Bayliner 185 BR (2005 hod vypusku, košt nie pakazany), a jaho žonka — aŭtamabilem Jaguar XF 2008 hoda vypusku (koštam 455 tys. hryŭniaŭ na 2008 hod).
Z kaštoŭnaj majomaści, košt jakoj pieravyšaje 100 pražytačnaha minimumu, jon zadekłaravaŭ kalekcyju karcin ukrainskich i rasijskich majstroŭ XIX-XX stst. (65 adzinak), kalekcyju karcin starych majstroŭ (15 adzinak), kalekcyju karcin sučasnych mastakoŭ-impresijanistaŭ i realistaŭ (4 adzinki), kalekcyju skulptur XIX-XX stst. (6 adzinak) i skulpturu Huljelma Puhi «Chłopčyk-rybak» (ich košt nie pakazany ŭ dekłaracyi).
Taksama Parašenka z žonkaj zadekłaravali 6 naručnych hadzińnikaŭ (Hublot, Breguet, Patek Phillip), 12 adzinak juvielirnych vyrabaŭ, 4 adzinki adzieńnia, mašynu chimčystki, 3 sumki, 4 meblevyja i 4 kuchonnyja harnitury, 3 kaminnyja nabory (hadzińniki i padśviečniki), nastolnyja hadzińniki, kamplekt bra z 14 štuk, 2 lustry, 2 televizary i prajektar, rajal i 2 dyvany, košt jakich pieravyšaje 100 pražytačnych minimumaŭ.
