Imia jašče adnaho zatrymanaha pa «spravie patryjotaŭ» — Viktar Maroz. Jon kiruje adnoj ź mienskich firmaŭ, jakaja zajmajecca dystrybucyjaj. Uviečary baćku Viktara Maroza paviedamili z KDB, što syna zatrymali na 3 dni pavodle padazreńniaŭ u 3 častcy 293 artykułu — padrychtoŭka da ŭdziełu ŭ masavych biesparadkach, paviedamlaje »Radyjo Svaboda».
«U svajakoŭ zastajecca nadzieja, što chłopca vypuściać biez zatrymańnia. Junakom jon uvachodziŭ u «Bieły lehijon», ale toje było daŭno», — skazała Nina Šydłoŭskaja.
Pavodle jaje słovaŭ, u KDB čyniać peŭny cisk na Mirasłava Łazoŭskaha.
«Možna kazać pra psychalahičny i maralny cisk. Pamiž dopytami da jaho prychodziać supracoŭniki kamitetu, pravodziać roznyja hutarki, cisnuć maralna, i praktyčna z hetaj pryčyny jon siabie vielmi kiepska adčuvaje. U jaho hałaŭny bol, nia moža spać. Toje, što pamiž dopytami nie pavinna być nijakich dziejańniaŭ biez udziełu advakata — heta nie vytrymlivajecca», — kaža Nina Šydłoŭskaja.
Jak składajucca losy astatnich zatrymanych?
«Dakładnych źviestak niama, ale adzin z advakataŭ skazaŭ u pryvatnaj hutarcy: «Kali 10 dzion, jakija dazvolena trymać biez abvinavačańnia, minuli, a čałaviek nia vyjšaŭ na volu — značyć, taksama vystavili abvinavačańni, tolki pra heta jašče nieviadoma. Ale my spadziajomsia, što pra niekaha hety prahnoz dakładna nie paćvierdzicca», — skazała Nina Šydłoŭskaja.
U KDB źviestki pra vystaŭleńnie abvinavačańniaŭ zatrymanym u spravie «Biełaha lehijonu» nie kamentujuć.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary