Naftahazavaja sprečka Biełarusi i Rasii budzie vyrašana na praciahu bližejšych dziesiaci dzion. Ab hetym siońnia ŭ Sankt-Pieciarburhu damovilisia prezidenty dźviuch krain Alaksandr Łukašenka i Uładzimir Pucin.
— My vyznačyli schiemu, pry jakoj my zachoŭvajem našy padychody i zbližajem našy pazicyi pa cenach. My znajšli mahčymaść uzajemnych sastupak i damovilisia ab tym, jak budziem pracavać u hetaj śfiery nie tolki ŭ hetym hodzie, 2018—2019 hadach, - skazaŭ pa vynikach sustrečy prezident Rasii Uładzimir Pucin.
Prezidenty taksama paćvierdzili svajo imknieńnie da lipienia 2019-ha stvaryć asnovatvornyja praviły pa stvareńni adzinaha rynku elektraenierhii, a da kanca hetaha hoda — pa stvareńni adzinaha rynku hazu. Jon pavinien zapracavać u 2024 hodzie.
Akramia nafty i hazu, kiraŭniki dziaržaŭ abmierkavali supracoŭnictva ŭ pramysłovaści, kaśmičnaj śfiery i sielskaj haspadarcy. U pryvatnaści, Łukašenka i Pucin havaryli pra sankcyi Raśsielhasnahladu ŭ dačynieńni da biełaruskich vytvorcaŭ praduktaŭ charčavańnia.
— Ja paprasiŭ urad Rasijskaj Fiederacyi, kab na hetym tydni našy śpiecyjalisty vyjechali ŭ Biełaruś i prapracavali ŭsie pytańni z kalehami na adpaviednych pradpryjemstvach, u dačynieńni da jakich paŭstali niejkija sumnievy z punktu hledžańnia zachavańnia našych fitasanitarnych normaŭ, — skazaŭ rasijski prezident. — Ja dumaju, što hetyja pytańni, jakija vyrašajucca ŭ chodzie praktyčnaj sumiesnaj pracy.
Alaksandr Łukašenka i Uładzimir Pucin padčas vynikovaj zajavy niekalki razoŭ paŭtaryli, što «pamiž našymi krainami nie zastałosia niavyrašanych pytańniaŭ».
— Viadoma, drenna, što prezidentam davodzicca ŭmiešvacca ŭ prablemy nie našaha ŭzroŭniu. Ale na siońnia ŭ nas nie zastałosia niavyrašanych pytańniaŭ. Bolš za toje, my zmahli zazirnuć u budučyniu funkcyjanavańnia našych ekanomik, — zajaviŭ Alaksandr Łukašenka.
Kiraŭnik dziaržavy padziakavaŭ Uładzimiru Pucinu za toje, što Rasija pajšła na refinansavańnie kredytnaj zapazyčanaści Biełarusi ŭ hetym hodzie.
Sustreča kiraŭnikoŭ dziaržaŭ u Sankt-Pieciarburhu ŭ farmacie sam-nasam praciahvałasia kala 3,5 hadzin, a potym na praciahu paŭtary hadziny praciahvałasia ŭ pašyranym farmacie.
Biełaruś i Rasija damovilisia ab sumiesnych dziejańniach u śfiery biaśpieki, — zajaviŭ Alaksandr Łukašenka.
Ciapier čytajuć
Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim17
Kamientary