 |
Doktar Ronald Evans (Ronald M. Evans) z kalehami ź instytutu Hovarta Chjuza (Howard Hughes Medical Institute) daśledavali na myšcach rečyvy, zdolnyja pavialičvać siłu j vynoślivaść ciahlicaŭ. Adno z hetych rečyvaŭ — AICAR, raniej vyvučałasia jak srodak ad atłuścieńnia j dyjabetu druhoha typu. AICAR akazaŭ absalutna niečakanaje dziejańnie: biez trenirovak paśla pryjomu AICARmyšy na 44 % pavialičvali dystancyju svajho prabiehu na testavym kole.
AICAR zapuskaje ŭ kletcy kaskad reakcyj u adkaz na pavyšany raschod «universalnaha paliva» — ATF (adenazyntryfosfarnaj kisłaty). Pavodle słoŭ Evansa, dziejańnie preparatu praktyčna identyčnaje dziejańniu doŭhich fizyčnych praktykavańniaŭ. Aproč pavieličeńnia siły j vynoślivaści, rečyva spryjaje źnižeńniu ŭzroŭniu insulinu j pavieličeńniu chutkaści abmienu tłuščaŭ u arhaniźmie myšej.
U budučyni, jak miarkujuć navukoŭcy, jaho možna budzie vykarystoŭvać dla lačeńnia atłuścieńnia, dyjabetu, a taksama roznych formaŭ ciahličnaj dystrafii.
A pakul, kab nie ŭźnikała spakusy zamianić fizyčnyja praktykavańni tabletkaj, u supracoŭnictvie z Suśvietnaj antydopinhavaj asacyjacyjaj Evans stvaryŭ vysokaadčuvalny metad dla vyznačeńnia śladoŭ AICAR u kryvi j mačy.
