5 žniŭnia ŭ Rehistry AAN pa zvyčajnych uzbrajeńniach źjavilisia źviestki ab ździełkach Biełarusi na suśvietnym zbrojevym rynku ŭ 2007 hodzie.
Zhodna z hetymi źviestkami, letaś Biełaruś nijakaha ŭzbrajeńnia i vajennaj techniki, što kvalifikujucca jak «zvyčajnyja ŭzbrajeńni», nie zakuplała. Pradavała zbroju ŭ Sudan, Armieniju i Erytreju.
Tak, u Sudan było pastaŭlena dva bronietransparciory BTR-70, madernizavanyja da ŭzroŭniu «Kobra K2K» i «Kobra K2». U Armeniju pradadzieny 10 122-milimetrovych haŭbic D-30, u Erytreju — dzieviać reaktyŭnych system załpavaha ahniu «Urahan». Usia zbroja — vytvorčaści Rasiei (SSSR). Sumy kantraktaŭ nie nazyvajucca.
Nahadajem, zhodna sa źviestkami AAN, u 2006 hodzie Biełaruś pastaviła ŭ Azerbajdžan 41 tank T-72. Heta była adzinaja biełaruskaja ździełka, jakaja trapiła ŭ Rehistar pa zvyčajnych uzbrajeńniach. Suma zaklučanaha z Azerbajdžanam kantraktu nie nazyvajecca.
U 2005 hodzie Biełaruś pastaviła ŭ Azerbajdžan 19 tankaŭ T-72, u Słavakiju — dva vajenna-transpartnyja viertaloty Mi-8, u Džybuci — dva ŭdarnyja viertaloty Mi-24. Hetaja infarmacyja ŭtrymlivałasia ŭ Rehistry AAN pa zvyčajnych uzbrajeńniach u pačatku červienia 2006 hoda. Potym źviestki pra ździełku sa Słavakijaj źnikli.
U 2004 hodzie ŭ Sudan Biełaruś pastaviła 21 braniravanuju raźviedvalna-dazornuju mašynu BRDM-2, siem bronietransparcioraŭ BTR-80, 10 bronietransparcioraŭ BTR-70 i adnu bajavuju mašynu piachoty BMP-1, u Kot-dJIvuar — dva šturmaviki Su-25.
U 2003 hodzie Sudan zakupiŭ u Biełarusi dzieviać BMP-2, 39 BRDM-2, 32 adzinki roznych artyleryjskich system, Švecyja — 19 rakiet da pieranosnaha zenitnaha rakietnaha kompleksu «Ihła», Kot-dJIvuar — 20 bajavych braniravanych mašyn roznaha typu, 16 adzinak roznych artyleryjskich system.
U 2002 hodzie Biełaruś pradała ŭ Iran 15 tankaŭ T-72, u Alžyr — dva źniščalniki MiH-29, u Sudan — 14 adzinak roznych artsystem, u Kot-dJIvuar — 12 BMP-1, 10 120-milimietrovych minamiotaŭ «Sani» i dva ŭdarnyja viertaloty Mi-24.
U 1996—2001 hadach Biełaruś pastaŭlała zbroju taksama ŭ Peru (samaloty), Konha (artsystemy), Papua — Novuju Hvinieju (viertaloty), Śjera-Leone (viertaloty), Etyjopiju (tanki), Zair (artsystemu), Uhandu (viertaloty), Maroka (tanki), AAE (bajavyja braniravanyja mašyny), va Ukrainu (samaloty).
