Na Alimpijadu rušać tajfuny

Synoptyki zrabili prahnoz nadvorja na dzień cyrymonii adkryćcia Alimpijskich hulniaŭ. Jany pradkazvajuć Pekinu navalnicu z daždžom i papiaredžvajuć, što tajfuny mohuć sarvać spabornictvy ŭ inšych haradach.

Arhanizatary nieadnakroć zajaŭlali, što doždž vyklikaje najbolšy niespakoj, tamu što ŭ cyrymonii adkryćcia biaruć udzieł bolš za 10 tysiač vykanaŭcaŭ, a pa zakančeńni čakajecca vialiki fajerverk.

Dva ci try tajfuny, jak čakajecca, pryjduć z boku Cichaha akijanu z 8 da 24 žniŭnia, to bo kali Alimpijada budzie ŭ samym razhary.

Štormy mohuć udaryć pa Hankonhu j pieraškodzić spabornictvam pa konnym sporcie, jakija buduć prachodzić tut. Aproč taho, štormy mohuć parušyć častku alimpijskich futbolnych turniraŭ, asabliva sustrečy, zaplanavanyja ŭ prybiarežnym Šanchai.

Vysokapastaŭlenyja čynoŭniki z Pekinskaha metearalahičnaha biuro paćvierdzili, što na 8 žniŭnia prahnazujecca kiepskaje nadvorje. Pry hetym jany vykazvajuć spadzieŭ, što da viečarovaj cyrymonii nieba prajaśnicca.

Pavodle mignews.com

0

0

0

0

0

0