Z 26 krasavika pa 11 maja pa biełaruskaj čyhuncy budzie kursiravać 51 dadatkovy ciahnik, paviedamlaje sajt BČ. Sorak ź ich — ciahniki mižrehijanalnych linij, 11 — mižnarodnych.
Tak, mižrehijanalny ruch dapoŭniać sastavy Minsk—Homiel—Minsk, Minsk—Brest—Minsk i inšyja.
Na tych kirunkach, jakija bolš za ŭsio papularnyja ŭ pasažyraŭ, u śviaty źjaviacca zdvojenyja sastavy.
Siarod ich:
- № 701/702 Minsk—Brest adpraŭleńniem ź Minska 1 maja, u zvarotnym kirunku ciahnik adpravicca 2 maja;
- № 748/747 Minsk-Babrujsk adpraŭleńniem ź Minska i Babrujska 01, 09 maja;
- № 743 Babrujsk—Minsk adpraŭleńniem z Babrujska 26 krasavika i 10 maja;
- № 732/731 Minsk—Orša adpraŭleńniem ź Minska i Oršy 17, 25, 26 krasavika;
- № 734/733 Minsk—Orša adpraŭleńniem ź Minska i Oršy 25 krasavika i 9 maja;
- № 736/735 Minsk—Orša adpraŭleńniem ź Minska i Oršy 25 krasavika i 9 maja.
Źjaviacca dadatkovyja ciahniki i na vielmi zapatrabavanych mižnarodnych maršrutach: Brest-Maskva—Brest, Minsk—Maskva—Minsk.
Akramia taho, u śviaty tranzitam pa BČ buduć kursavać dadatkovyja ciahniki № 148/147 Kalininhrad—Maskva-Kalininhrad i № 80/79 Sankt-Pieciarburh—Kalininhrad, Homiel-Ščors-Homiel.
Bolš padrabiaznuju infarmacyju ab dadatkovych ciahnikach možna ŭdakładnić na sajtie BČ, a taksama ŭ čyhunačnych kasach i daviedcy.
