«Mietad vokrykaŭ i pavučańniaŭ, što čaściej za ŭsio vykarystoŭvaje Jeŭraparłamient, ź Biełaruśsiu nie pracuje. Krytyka, kali majucca dla jaje padstavy, pavinna nasić kanstruktyŭny i niepraduziaty charaktar, uličvać abjektyŭnyja realii i pracesy, jakija adbyvajucca ŭ našaj krainie i ŭ rehijonie ŭ cełym. Pryniataja rezalucyja pakazvaje, što Jeŭraparłamient takuju zadaču pierad saboj nie staviŭ, — zajaviŭ BIEŁTA načalnik upraŭleńnia infarmacyi — pres-sakratar MZS Biełarusi Dźmitryj Mirončyk, adkazvajučy na pytańnie ab aficyjnaj reakcyi MZS na pryniatuju Jeŭraparłamientam 6 krasavika rezalucyju ab situacyi ŭ Biełarusi.
«Razumiejem, što pieraadoleńnie niehatyŭnych antybiełaruskich kliše patrabuje času i palityčnaj mudraści. Pačakajem…», — dadaŭ jon.
Pa słovach pres-sakratara, vyklikaje škadavańnie, što ŭ deputataŭ Jeŭraparłamienta nie chapiła času abo žadańnia aznajomicca z aficyjnym punktam hledžańnia na padziei dvuchtydniovaj daŭniny i rastłumačyć usie pytańni ŭ režymie naŭprostaha dyjałohu.
«My hatovyja abmiarkoŭvać z našymi zamiežnymi partniorami lubyja temy, davać adkazy na lubyja pytańni, u tym liku tyja, pa jakich našy pazicyi razychodziacca. Mienavita ŭ takim klučy my razmaŭlali z tymi pradstaŭnikami ES, jakich pa-sapraŭdnamu chvaluje budučynia adnosin ź Biełaruśsiu», — zajaviŭ Mirončyk.
Jon adznačyŭ, što, jak užo paviedamlaŭ MZS, na hetym tydni ŭ Minsku znachodziłasia delehacyja z Brusiela i praviała hruntoŭnyja hutarki ŭ dziaržorhanach padčas pasiadžeńnia kaardynacyjnaj hrupy Biełaruś—ES.
Ciapier čytajuć
Na mitynhu ŭ Vilni zatrymlivali pravakatara. A Cichanoŭski zajaviŭ pra namier dabivacca sustrečy ź Zialenskim1
Kamientary