Kandydatami ŭ deputaty pałaty pradstaŭnikoŭ vyłučany 44 dziejučyja parlamentaryi. Ab hetym staršynia Centrvybarkamu Biełarusi Lidzija Jarmošyna paviedamiła siońnia na pres-kanferencyi.
Pavodle jaje danych, 42 ciapierašnija deputaty pałaty pradstaŭnikoŭ vyłučajucca ŭ jakaści kandydataŭ u deputaty parlamenta nastupnaha sklikańnia šlacham zboru podpisaŭ, a 2 vyłučany pracoŭnymi kalektyvami.
U pryvatnaści, atrymać novy deputacki mandat majuć namier Anatol Vańkovič, Aleh Vialička, Łarysa Vieršałovič, Uładzimier Zdanovič, Jaŭhien Kazimirčyk, Alaksandar Hudkoŭ, Valer Lektaraŭ, Uładzimier Skavarodka, Siarhiej Kaścian, Michaił Rusy, Alaksandar Šaćko, Uładzimier Barščoŭ, Taciana Hołubieva, Michaił Arda, Hieorhij Kamianiecki, Viktar Huminski, Ivan Siemianienia, Mikałaj Čursin, Volha Abramava, Hienadź Davydźka, Anatol Krasucki, Uładzimir Kruk, Halina Mazurkievič, Halina Palanskaja, Anatol Paŭłovič, Halina Jurhielevič, Alaksandr Juškievič i inš.
Centrvybarkam prahnazuje, što siaredniaja kolkaść kandydataŭ u deputaty na akruhu składzie 4,5 čałavieka. Raniej CVK aryjentavaŭsia na 6 kandydataŭ u adnoj akruzie. Ale ekanomija, pavodle słoŭ Lidzii Jarmošynaj, budzie niaznačnaja. «Vybarčy biuleteń kaštuje adnolkava, niezaležna ad taho, 6 kandydataŭ u im abo 4. Efirny čas i pamiaškańnie dla sustrečy z vybarščykami pradstaŭlajucca biaspłatna», — rastłumačyła jana, dadaŭšy, što na vyrab ahitacyjnaj pradukcyi kožnamu kandydatu vydzialajecca Br1 młn. 750 tys.
Kiraŭnička CVK taksama paviedamiła, što najbolš papularnyja ŭ patencyjalnych kandydataŭ Partyzanskaja i Kupałaŭskaja vybarčyja akruhi Minska.
