Ich pryjezd źviazany z prajektam pavieličeńnia pastavak biełaruskich kalijnych uhnajeńniaŭ u ZŠA.
Amierykanskija biźniesmieny, jakija naviedvajuć Biełaruś, majuć namier aznajomicca z pracesam vytvorčaści kalijnych uhnajeńniaŭ u Salihorsku. Jak paviedamlajuć aficyjnyja krynicy, hrupa biźniesmienaŭ z ZŠA supravadžała 5 žniŭnia prezidenta Biełarusi ŭ rabočaj pajezdcy ŭ Dziaržynski (Kojdanaŭski) rajon.
Biźniesmieny adznačyli vysokuju zapatrabavanaść pradukcyi Biełaruskaj kalijnaj kampanii (BKK) u ZŠA. U svaju čarhu ŭ kampanii ličać rynak ZŠA adnym sa stratehičnych. «Imknučysia ŭźniać uzrovień partniorskich adnosin sa svaimi klijentami ŭ rehijonie na jakasna novy ŭzrovień, mieniedžery BKK raspracavali efiektyŭnuju łahistyčnuju schiemu pastaŭki ŭhnajeńniaŭ pa race Misisipi z porta Novy Arlean da kancavaha pakupnika», — paviedamlajuć aficyjnyja krynicy.
U hetaj pajezdcy Alaksandra Łukašenku supravadžaje i hienieralny dyrektar BKK Uładzimir Mikałajenka. Siońnia jon paviedamiŭ žurnalistam, što da kanca hoda kampanija płanuje pavialičyć pastaŭki kalijnych uhnajeńniaŭ u ZŠA da 800 tys. ton. Raniej ich abjom składaŭ ad 500 da 700 tys. ton.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)