Traich ščaniat Łabadzienki ŭładkavali. Adnamu ŭsio jašče patrebny dom
Dla tych, chto pieražyvaŭ za los biełaruskamoŭnych ščaniat Hleba Łabadzienki, raspaviadajem, kudy jany adpravilisia.
Pieršaha, jakoha siamja Hleba nazyvała spanielem za mocnaje padabienstva da hetaj parody, uziaŭ staršynia Moładzi BNF Jury Łukaševič dla svaich baćkoŭ, što žyvuć u Barysavie.
«Jury navat abviaściŭ praz svoj fejsbuk vybary imia. Mianie najbolš pazabaviŭ varyjant «Beneefaviec», ale nie viedaju, na čym jany tam spynilisia, — kaža Hleb. — Jašče adzin čałaviek zabraŭ dla baćkoŭ u Ivianiec ščaniuka №4, jakoha my nazyvali Pandaj za admietny vyhlad. Viadomaja mastačka Vola Kuźmič upadabała ščaniuka №3 — dniami jon pajedzie da baćkoŭ Voli na Łuninieččynu.
U mianie zastałasia dziaŭčynka, jakuju my nazyvajem Čornaja Panna. Jaje mamu zavuć Basia — u honar Barbary Radzivił — adsiul i Čornaja Panna. Choć pavodle siamiejnaj lehiendy, Čornaj Pannaj źjaŭlajecca zusim nie Barbara, a mama Rybańki Kaciaryna Radzivił».
Kali vy chočacie stać Čornaj Pańnie haspadarom, pišycie Hlebu ŭ fejsbuku albo pakidajcie svoj numar u kamientarach — pieradamo.
Što zapisana aficyjnaj pryčynaj śmierci adzinaha syna Jarmošynaj?1
Kamientary