Rekanstrukcyju siaredniaviečnaha haradzišča praviaduć u haradskim pasiołku Kopyś Viciebskaj vobłaści, paviedamiła žurnalistam zahadčyca Centra archieałohii i staražytnaj historyi Biełarusi, navukovy kiraŭnik prajekta Volha Laŭko.
Rekanstrukcyja pravodzicca na asnovie płana Kopysi 1665 hoda. Vyznačany zony raźmiaščeńnia viežaŭ, jakija znachodzilisia na haradziščy.
Raboty pa adnaŭleńni haradzišča iduć ź lutaha. Archieołahi supravadžajuć ŭsia ziemlanyja raboty, dziakujučy čamu sabrany vialiki materyjał. Hetyja daśledavańni dali mahčymaść vyznačycca ź miescaznachodžańniem ujaznoj bramy. Na haradziščy pastaviać elemient, jaki budzie fiksavać zonu panskaha doma. Akramia taho, ustalujuć draŭlanyja viežy. Restaŭratary ŭźviaduć try viežy, adna ź jakich budzie pakazvać kut haradskoj ściany, jakaja atačała terytoryju Kopysi. Jość źviestki, jakija dajuć poŭnaje apisańnie draŭlanych viežaŭ, pastaŭlenych u Viciebsku. «Ale pakolki heta adziny rehijon, adziny typ budaŭnictva na toj pieryjad času, to pravamierna jak pravobraz vykarystoŭvać hetyja materyjały» - padkreśliła Volha Laŭko.
Archieałahičnyja materyjały pakazvajuć vysoki ŭzrovień raźvićcia Kopysi i dajuć cikavyja dadzienyja dla pabudovy muzieja i ekspanavańnia sabranych artefaktaŭ.
