Za apošnija 20 hadoŭ rasiejskaja mova straciła pazycyi ŭ bolšaści krainaŭ byłoha SSSR, piša brytanskaje vydańnie Financial Times, spasyłajučysia na infarmacyju ź pierapisaŭ nasielnictva i daśledavańniaŭ AAN, skambinavanuju daśledčaj hrupaj Euromonitor International.
Pavodle hetaj infarmacyi, najbolšaje padzieńnie adbyłosia ŭ Kazachstanie — u 2016 hodzie 20.7% nasielnictva ŭ hetaj krainie skazali, što zvyčajna razmaŭlajuć doma pa-rasiejsku, a ŭ 1994 hodzie hetaja ličba była 33.7%.
U Estonii i Łatvii za hety ž čas adbyłosia padzieńnie prykładna na 10 pracentnych punktaŭ. Taksama padzieńnie adbyłosia i ŭ inšych čatyroch krainach, achoplenych daśledavańniem, — Hruzii, Litvie, Turkmenistanie i Ŭkrainie. I tolki ŭ Biełarusi za hety čas pazycyi rasiejskaj movy, pavodle daśledčykaŭ, značna ŭzmacnilisia — u 1994 hodzie 49.6% nazvali rasiejskuju svajoj asnoŭnaj movaj, a ŭ 2016 hodzie hetaja ličba vyrasła da 71%.
Nia trapili ŭ daśledavańnie Azerbajdžan, Armenija, Kirhizstan, Małdova, Tadžykistan, Uzbekistan i sama Rasieja.
Pracent nasielnictva, jaki nazvaŭ svajoj asnoŭnaj movaj rasiejskuju (Infarmacyja ź pierapisaŭ nasielnictva i daśledavańniaŭ AAN, skambinavanaja daśledčaj hrupaj Euromonitor International)
| Kraina | 1994 hod | 2016 hod |
| Biełaruś | 49.6 | 71 |
| Łatvija | 40.5 | 29.8 |
| Ukraina | 33.9 | 24.4 |
| Estonija | 33.3 | 23.4 |
| Kazachstan | 33.7 | 20.7 |
| Litva | 10.4 | 7.2 |
| Turkmenistan | 10.8 | 5.4 |
| Hruzija | 6.4 | 1.1 |
