Euromonitor International: Руская мова страціла пазіцыі ва ўсім былым СССР, толькі Беларусь імкліва русіфікуецца
За апошнія 20 гадоў расейская мова страціла пазыцыі ў большасьці краінаў былога СССР, піша брытанскае выданьне Financial Times, спасылаючыся на інфармацыю зь перапісаў насельніцтва і дасьледаваньняў ААН, скамбінаваную дасьледчай групай Euromonitor International.
Паводле гэтай інфармацыі, найбольшае падзеньне адбылося ў Казахстане — у 2016 годзе 20.7% насельніцтва ў гэтай краіне сказалі, што звычайна размаўляюць дома па-расейску, а ў 1994 годзе гэтая лічба была 33.7%.
У Эстоніі і Латвіі за гэты ж час адбылося падзеньне прыкладна на 10 працэнтных пунктаў. Таксама падзеньне адбылося і ў іншых чатырох краінах, ахопленых дасьледаваньнем, — Грузіі, Літве, Туркмэністане і Ўкраіне. І толькі ў Беларусі за гэты час пазыцыі расейскай мовы, паводле дасьледчыкаў, значна ўзмацніліся — у 1994 годзе 49.6% назвалі расейскую сваёй асноўнай мовай, а ў 2016 годзе гэтая лічба вырасла да 71%.
Ня трапілі ў дасьледаваньне Азэрбайджан, Армэнія, Кіргізстан, Малдова, Таджыкістан, Узбэкістан і сама Расея.
Працэнт насельніцтва, які назваў сваёй асноўнай мовай расейскую (Інфармацыя зь перапісаў насельніцтва і дасьледаваньняў ААН, скамбінаваная дасьледчай групай Euromonitor International)
| Краіна | 1994 год | 2016 год |
| Беларусь | 49.6 | 71 |
| Латвія | 40.5 | 29.8 |
| Украіна | 33.9 | 24.4 |
| Эстонія | 33.3 | 23.4 |
| Казахстан | 33.7 | 20.7 |
| Літва | 10.4 | 7.2 |
| Туркмэністан | 10.8 | 5.4 |
| Грузія | 6.4 | 1.1 |
-
Яраслаў Раманчук дае прагноз, калі скончыцца вайна. І расказвае, чым цяпер займаецца і як яго шакавалі заявы Бабарыкі
-
Супрацоўніка КДБ, што быў ва ўкраінскім палоне, вярнулі ў Расію, а затым асудзілі ў Беларусі не менш чым на 10 гадоў
-
Памёр папулярны блогер па нерухомасці, які меў больш за 100 тысяч падпісчыкаў
Цяпер чытаюць
Яраслаў Раманчук дае прагноз, калі скончыцца вайна. І расказвае, чым цяпер займаецца і як яго шакавалі заявы Бабарыкі5
Каментары