Na sajcie BiełTA źjaviłasia čarhovaje mierkavańnie adyjoznaha ahladalnika haziety «7 dzion» Dźmitryja Šamko pad nazvaj «Teatr absurda, albo Pravasudździe sakavickich «pravaabaroncaŭ».
Jon aburyŭsia dziejańniami mahiloŭca Alaksandra Chamratava, jaki patrabuje pryciahnuć da adkaznaści deputata Ihara Marzaluka — toj taksama prymaŭ udzieł u «maršy niedarmajedaŭ», ale zastaŭsia biespakaranym.
«Davajcie pa sutnaści: deputat Marzaluk na dźviuch dziaržaŭnych movach, u adroźnieńnie ad «śviadomych abaroncaŭ biełaruskaj dziaržaŭnaści» (tekst napisany pa-rusku, a hetaja cytata — pa-biełarusku — Red.), dapazna adkazvaŭ na pytańni ludziej - heta nie prosta jaho praca, a deputacki abaviazak. Chto-niebudź z vas, spadary «pravaabaroncy», sprabavaŭ choć kolki rastłumačyć ludziam, jak im pastupać u niaprostaj situacyi, daŭ choć adnu słušnuju paradu? Nie», — piša Dźmitryj Šamko.
«Z kim atrymałasia sustrecca vam, spadary «pravaabaroncy», dla kaho vašy «parady» dziejsnyja i aktualnyja? Voś heta, badaj, i jość samaja sapraŭdnaja hańba», — padsumoŭvaje jon.
