Padčas ekamarafonu ŭ Homieli pamior adzin ź jaho ŭdzielnikaŭ, paviedamili BIEŁTA ŭ pres-słužbie Biełaruskaj fiederacyi lohkaj atletyki.
65-hadovy ŭdzielnik marafonu Siamion Maksačoŭ, žychar Homiela, pamior padčas zabiehu na dystancyju 6,3 km. Viadoma, što mužčynu stała drenna paśla taho, jak jon prabieh za 1 km. Lekaram chutkaj dapamohi, jakija dziažuryli na mierapryjemstvie, vyratavać jaho nie ŭdałosia. Mahčymaj pryčynaj hibieli nazyvajuć sardečny prystup.
U pres-słužbie BFŁA padkreślili, što mužčyna mieŭ daviedku-dopusk da ŭdziełu ŭ marafonie. «Da ŭdziełu ŭ zabiehu dapuskalisia tolki asoby, jakija nie majuć miedycynskich supraćpakazańniaŭ da zaniatkaŭ sportam. A ŭdzielniki zabiehu na dystancyju 42 km pavinny byli prajści adpaviednuju padrychtoŭku», — udakładnili arhanizatary.
Viadoma, što na karparatyŭny zabieh na 6,3 km vakoł histaryčnaha centra Homiela zarehistravalisia bolš za try tysiačy čałaviek. U im byli pradstaŭlenyja ŭsie rajony, VNU i siarednie-śpiecyjalnyja navučalnyja ŭstanovy, škoły i pradpryjemstvy Homielskaj vobłaści.
Siamion Maksačoŭ bieh na ekamarafonie za ahrarna-techničny licej, u jakim vykładaje fizičnuju kulturu.
-
«Začyni vokny i ŭklučy haz». Dzieciam Homielskaj vobłaści prychodziać niebiaśpiečnyja paviedamleńni ad imia viadomaha błohiera
-
Chto kaho prapuskaŭ? Kanflikt kiroŭcaŭ na Prytyckaha pryvioŭ da bojki — i da kryminalnaj spravy
-
U Homieli chłopiec raskazaŭ, što spatyknuŭsia i ŭpaŭ na svoj akurak. A paśla na im zaharełasia adzieńnie
Kamientary