Pastajanny pradstaŭnik ZŠA pry AAN Nikki Chejli nie vyklučyła, što amierykanskija vajskoŭcy mohuć nanieści ŭdar pa KNDR, kali Pchieńjan praciahnie vyprabavańni balistyčnych rakiet.
«My ničoha nie budziem rabić da taho času, pakul jon (Kim Čen Yn) nie daść nam padstavy dla dziejańniaŭ. Kali vy ŭbačycie, jak jon atakuje vajennuju bazu, kali vy ŭbačycie jakuju-niebudź mižkantynientalnuju balistyčnuju rakietu, to my, biezumoŭna, heta zrobim», — skazała Chejli ŭ efiry telekanała NBC, adkazvajučy na pytańnie, ci razhladajuć ZŠA mahčymaść papieradžalnaha ŭdaru pa KNDR.
Jana taksama ŭdakładniła, što kančatkovaje rašeńnie budzie prymacca prezidentam ZŠA. Pry hetym dypłamat adznačyła, što Vašynhton nie šukaje vajny z Pchieńjanam i skiravany na supracoŭnictva ź mižnarodnaj supolnaściu. Asobna Chejli padkreśliła važnaść uzajemadziejańnia ZŠA z Kitajem, jaki, pa jaje słovach, akazvaje adčuvalny cisk na ŭłady Paŭnočnaj Karei.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary