Na im biełaruski prezident pryjazdžaŭ u chram Preabražeńnia Haspodniaha ŭ horadzie Barań.
Jašče adzin aŭtamabil z prezidenckaha aŭtaparka zaśviaciŭsia pierad fota- i videakamierami. Hetym razam — heta Audi Q7 pieradapošniaha pakaleńnia, takija vypuskalisia z 2005 da 2015 hoda. Naŭrad ci hety aŭtamabil kuplali beušny — a heta značyć, što ŭ prezidenckim haražy hetaja mašyna znachodzicca jak minimum dva hady. Ciapier ceny na novyja Q7 pačynajucca ad 53 tysiač jeŭra. Samyja darahija kamplektacyi kaštujuć kala 120 tysiač jeŭra.
Na takoj mašynie 16 krasavika Alaksandr Łukašenka pryjazdžaŭ u chram Preabražeńnia Haspodniaha ŭ horadzie Barań — heta ŭ Aršanskim rajonie. Aŭtamabil milhanuŭ u kadrach aficyjnaj chroniki, na im bačnyja tak zvanyja «prezidenckija numary».
Niadaŭna «Kamsamołka» vyvučyła «prezidencki aŭtapark» — u ahlad trapili 13 aŭtamabilaŭ, na jakich u roznyja hady bačyli Alaksandra Łukašenki. Ad biełych «Žyhuloŭ» da braniravanaha «Pulmana». A jašče biełaruski prezident kataŭsia na «Charlei», testavaŭ biełaruska-kitajskuju «Džyli», jeździŭ na «BiełAZie» i traktary «Biełarus».
