Krainy Eŭraźviazu nie prysłali svaich pradstaŭnikoŭ na rehijanalnuju kanferencyju Mižnarodnaj arhanizacyi kryminalnaj palicyi (Interpołu), jakaja pačałasia siońnia ŭ Miensku.
Krainy Eŭraźviazu nie prysłali svaich pradstaŭnikoŭ na rehijanalnuju kanferencyju Mižnarodnaj arhanizacyi kryminalnaj palicyi (Interpołu), jakaja pačałasia siońnia ŭ Miensku.
Jašče hod tamu pradstaŭniki palicyi 45-ci krainaŭ Eŭropy vyrašyli pravieści rehijanalnuju kanferencyju ŭ Miensku. Hetym planam, adnak, pieraškodziła rezalucyja, jakuju pryniała Rada Eŭraźviazu ŭ źviazku z vynikami prezydenckich vybaraŭ u Biełarusi. Nahadajem: krainy Eŭraźviazu nie pryznali vynikaŭ hetych vybaraŭ, a ministar unutranych spraŭ Uładzimier Navumaŭ uklučany ŭ śpis person non-hrata.
Napiaredadni kanferencyi Interpoł atrymaŭ list ad staršyni Kamitetu stałych pradstaŭnikoŭ Eŭraźviazu, u jakim było rekamendavana pieranieści kanferencyju, planavanuju ŭ Miensku. Niahledziačy na heta, paśla praciahłych dyskusij arhanizatary vyrašyli pravieści kanferencyju z udziełam inšych krain.
Pavodle infarmacyi MUS, čakajecca pryjezd delehacyj Rasiei, Turcyi, Makiedonii, Armenii, Ukrainy, Azerbajdžanu j niekatorych inšych. Dakładnaj infarmacyi adnosna kolkaści ŭdzielnikaŭ u presavaj słužbie Ministerstva ŭnutranych spraŭ nia majuć. Pavodle inšych krynicaŭ, z 46-ci eŭrapiejskich krain-siabraŭ Interpołu tolki 11 paćvierdzili svoj udzieł u mienskaj kanferencyi. Nie pryjechali taksama čaćviora eŭrapiejskich vice-prezydentaŭ Interpołu. Načalnik presavaj słužby ŭpraŭleńnia infarmacyi MUS Vital Hrynkievič tłumačyć.
(Hrynkievič: ) «Navat na siońniašni dzień jość jašče krainy, jakija vyjavili žadańnie prybyć na hetuju kanferencyju, i čakajecca ich prybyćcio. Kanferencyja pačała j praciahvaje svaju pracu, niahledziačy na adsutnaść niekatorych pradstaŭnikoŭ Interpołu».
Hieneralny sakratar Interpołu Ronald Noble zajaviŭ, što dahetul nivodnaja kraina ci hrupa krain nie sprabavali ŭmiešvacca ŭ plany praviadzieńnia kanferencyj i nie parušali statutu. Interpoł zachoŭvaŭ palityčny neŭtralitet i arhanizoŭvaŭ svaje kanferencyi navat u krainach, dzie vyšejšaje kiraŭnictva padazrajecca ŭ karupcyi, a palicyja – u źvierstvach. Ministar unutranych spraŭ Biełarusi Ŭładzimier Navumaŭ miarkuje, što krainy Eŭraźviazu, jaki zabaranili svaim pradstaŭnikam brać udzieł u kanferencyi, «spracavali na złačyncaŭ, jakija, mabyć, radujucca, što ŭźnikli takija składanyja adnosiny ŭ pravaachoŭnaj sfery pamiž dziaržavami». Pavodle spadara Navumava, heta taksama źjaŭlajecca prykładam taho, što «palityka staić nad pravaachoŭnaj dziejnaściu».
Prakamentavać sytuacyju my paprasili hienerała milicyi Miečysłava Hryba, jaki vinavacić za zryŭ kanferencyi biełaruski bok.
(Hryb: ) «Treba dumać i ŭładam, treba viedać, što ty robiš. Heta źviazana z vybarami, z padmanam na vybarach. Heta źviazana z tym, što palityčnyja supraciŭniki kiraŭnika krainy znachodziacca ŭ turmie, aryštavany j hetak dalej, što jość palitźniavolenyja. Majem vyniki. Uva ŭsich hetych padziejach, što adbyvalisia ŭ Biełarusi, pravaachoŭnyja orhany zajmali aktyŭnuju pazycyju – i prakuratura, i MUS, AMAPaŭcy, KDB i tak dalej. Tamu – da kaho jechać? Što abmiarkoŭvać? Abmiarkoŭvać kryminalnuju złačynnaść? A što vy sami parušajecie pravy – abmiarkoŭvać nielha? Dyk z kim tam što abmiarkoŭvać?»
-
«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia
-
U Lachavičach školnik padčas futbolnaha matča vyvieŭ na tabło niecenzurnaje słova. Jak jamu heta ŭdałosia?
-
Na papcy ŭ Śviatłany Cichanoŭskaj ciapier partret palitźniavolenaha žurnalista Andreja Pačobuta FOTA
Ciapier čytajuć
«Ja tolki adnaho chaču: kab vy pavieryli mnie znoŭ». Jak prajšła pieršaja akcyja Cichanoŭskaha ŭ Varšavie paśla vyzvaleńnia11
Kamientary