Hurt Naviband płanuje paśla «Jeŭrabačańnia» zapisać novy albom. Pra heta ŭdzielniki hurtu Arciom Łukjanienka i Ksienija Žuk raskazali ŭ čas anłajn-kanfierencyi ŭ pres-centry BIEŁTA.
Apošnija čatyry miesiacy artysty byli zaniaty padrychtoŭkaj da ŭdziełu ŭ mižnarodnym konkursie pieśni «Jeŭrabačańnie-2017». Ale navat pry nasyčanym hrafiku, pastajannaj rabocie nad konkursnaj pieśniaj paśpiavajuć rabić niešta akramia padrychtoŭki da «Jeŭrabačańnia». Tak, 22 krasavika artysty vystupili ŭ Minsku z akustyčnym kancertam. A ŭ svabodnyja minuty, hałoŭnym čynam u čas pieralotaŭ, kali davodzicca pravodzić čas u čakańni samalota, Arciom dastaje hitaru.
«Naradžajucca idei, i my z hurtom užo vyrašyli, što ŭ lipieni na tydzień-druhi pajedziem na chutar, dalej ad cyvilizacyi, i źbiarom ich usie, zrobim aranžyroŭki. Budziem zapisvać novy albom», — padzialiŭsia płanami Arciom Łukjanienka.
Akramia taho, letam u hurtu budzie šmat kancertaŭ, vystupleńniaŭ, u tym liku na roznych fiestyvalach. Jość zaprašeńni z-za miažy - Polščy, Ukrainy. Pastupajuć zaprašeńni taksama i na karparatyvy, prezientacyi.
Hurt čakaje vialikaje fiestyvalnaje leta, ale śpievaki spadziajucca, što taksama zmohuć vykraić tydzień dla adpačynku la mora.
Ciapier čytajuć
Što raskazvaŭ Statkievič susiedziam u noč pierad vyjezdam na miažu21
Kamientary