«Čakaju tavar užo 13 dzion». Što pišuć klijenty ab prablemach Wildberries
Niadaŭna klijenty Wildberries pačali masava skardzicca na zatrymku svaich zakazaŭ, a pradaŭcy narakajuć na vializnyja čerhi na składzie pad Minskam. U sacsietkach ludzi aktyŭna dzielacca svaimi historyjami i sprabujuć znajści pryčyny prablemy.
Šmat chto ŭ kamientaryjach paćviardžaje, što sutyknuŭsia z parušeńniem terminaŭ dastaŭki.
«Muž zamoviŭ tavar 10 vieraśnia. Staić, što budzie 15 vieraśnia. Užo 18 vieraśnia. Status — «u darozie», i navat nie paznačana, što zatrymlivajecca. (…) Jašče zamovili tavar. Jon išoŭ dva z pałovaj tydni».
«U mianie z 8‑ha čysła visić tavar, i napisana «afarmleńnie». Pradaviec nie adkazvaje. Pisała nie adzin raz, bot na VB kormić abiacańniami».
«Užo 13 dzion nijak tavar dajechać nie moža».
«Darečy, zamoviŭ dyspłej 10 vieraśnia. Da hetaj pary nie pryjechaŭ».
«Zamoviŭ 7 vieraśnia dva pakunki haziroŭki. Pavinny byli pryjechać 9‑ha. Da hetaj pary čakaju. Status «sabrana pradaŭcom». Pradaviec kaža: «Pieradaŭ na skład».
«U mianie zaŭsiody svoječasova zakazy prychodzili. Tolki ŭ hetym miesiacy niejkija zatrymki źjavilisia, na 2‑3 dni».
Prablema isnuje nie tolki ŭ stalicy. Naprykład, padobnaja situacyja nazirajecca i ŭ Homieli.
«U Homieli na składzie Wildberries 12 fur stajała. Vyhružali hetyja 12 fur dva dni», — paviedamlaje ŭ sacsietkach dalnabojščyk i dadaje, što prablema moža vyrašycca z adkryćciom novaha składa ŭ industryjalnym parku «Vialiki kamień».
Čamu tak adbyvajecca? Viersii karystalnikaŭ
Adnoj z hałoŭnych pryčyn karystalniki ličać niedachop piersanału, vyklikany ciažkimi ŭmovami pracy i sistemaj štrafaŭ.
«Kali b płacili ludziam narmalna, a nie štrafavali naleva i naprava svaich supracoŭnikaŭ, to pracavali b narmalna ŭsie składy i SC».
«Ja sam pracavaŭ na składzie VB. Tam vielmi šmat štrafujuć. Ludzi tam doŭha nie zatrymlivajucca. Niechta zvalniajecca praź dzień, niechta — praz paru miesiacaŭ. Ale jość i tyja, chto ŭmudrajecca tam i pa niekalki hadoŭ pracavać».
Inšyja adznačajuć, što, akramia niedachopu supracoŭnikaŭ, sami klijenty stali rabić značna bolš zakazaŭ, što pavialičvaje nahruzku na sistemu.
«Tavaraŭ zakazvać stali nibyta bolš. Navat pa našym punkcie vydačy vidać. Letam było maksimum 300 jačejek zaniata, ciapier užo 450. Da taho ž šmat chto zakazvaje pa 60+ tavaraŭ. A potym usio heta na admovu. I heta treba ŭsio adpravić na skład, kab jany aformili».
«A zamović 20 pradmietaŭ, a zabrać u lepšym vypadku pałovu! Takich treba błakavać na sajcie. Z takimi kupcami nijakich rabotnikaŭ nie chopić!» — zaŭvažaje inšy.
Zrešty, jak vynikaje z kamientaryjaŭ, prablema z dastaŭkaj nie źjaŭlajecca tatalnaj. Žychary inšych rajonaŭ i haradoŭ zapeŭnivajuć, što ŭ ich usio «biez prablem», zakazy «prychodziać za paru dzion», a ŭ čarzie «maksimum 1‑5 čałaviek».
Što kažuć u Wildberries
Pres-sakratarka Wildberries u Biełarusi Ksienija Kunickaja patłumačyła Telegraf.news, što ŭ kampanii nazirajuć značnaje pavieličeńnie zakazaŭ. Heta źviazvajuć z «aktyŭnaj pracaj pa papularyzacyi na Wildberries biełaruskich tavaraŭ i pryciahnieńni na płatformu ajčynnych vytvorcaŭ, uklučajučy dziaržaŭnyja pradpryjemstvy».
«Jak vynik, bolš čym udvaja vyras patok tavaraŭ, što nakiroŭvajucca na składy i sartavalnyja centry Wildberries u Biełarusi, što stvaryła pavyšanuju nahruzku na infrastrukturu», — adznačyła jana.
Pa słovach pradstaŭnika WB, ciapier kampanija «realizuje kompleks zachadaŭ dla stabilizacyi situacyi». Dla razhruzki pryjomki i źmianšeńnia čarhi tam paabiacali «pryciahnuć dadatkovyja resursy na składy».
Akramia taho, sa słoŭ Ksienii Kunickaj, Wildberries zapłanavaŭ zapusk novaha sartavalnaha centra ŭ Babrujsku, «što istotna razhruzić isnuju infrastrukturu».
Na składzie Wildberries pad Minskam źbirajucca šmathadzinnyja čerhi
Wildberries zapuścić virtualnuju prymieračnuju
Dadatak WB taxi zapracavaŭ va ŭsich karystalnikaŭ. A što z cenami?
MARH znajšoŭ na Wildberries niapravilnyja čyrvona-zialonyja ściahi i zahadaŭ ich prybrać
Na AliExpress uviali PDV u 20% na zamovy ź Biełarusi
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna6
Kamientary
Prihłašaju vsiech, kto za rubiežom, vyskazať v otzyvach vsie, čto dumajetie!)