Arhkamitet maršu salidarnaści, pryznačanaha na 1 traŭnia, nie pryniaŭ rašeńnia pra farmat praviadzieńnia mierapryjemstva, prapanavany Mienharvykankamam — mitynh biaz šeścia, paviedamlaje Radyjo Svaboda.
Napiaredadni kiraŭnictva Biełaruskaha kanhresu demakratyčnych prafsajuzaŭ (BKDP) atrymała adkaz za podpisam namieśnika staršyni Mienharvykankamu Ihara Jurkieviča na zajaŭku ab praviadzieńni 1 traŭnia šeścia i mitynhu ŭ stalicy.
Spasłaŭšysia na artykuł 9 zakonu «Ab masavych mierapryjemstvach u Respublicy Biełaruś» («zabarona na praviadzieńnie masavych mierapryjemstvaŭ u adnym i tym ža miescy abo adnym i tym ža maršrutam ruchu»), Mienharvykankam admoviŭ u praviadzieńni šeścia ad Akademii navuk da płoščy Banhałor. Ale dazvoliŭ mitynh: zbor udzielnikaŭ u parku Družby narodaŭ 1 traŭnia ad 17.00 da 17.30; mitynh na sceničnaj placoŭcy ad 17.30 da 19.30 z ahulnaj kolkaściu ŭdzielnikaŭ da 2 tysiač.
«Pakul nie pryniali kankretnaha rašeńnia, bo dahetul niama adkazu ź Mienharvykankamu, — skazaŭ paśla zaviaršeńnia pasiedžańnia arhkamitetu staršynia BKDP Alaksandar Jarašuk. — Napiaredadni my z maim namieśnikam Siarhiejem Antusievičam sustrakalisia z kiraŭnictvam idealahičnaha ŭpraŭleńnia, i jany paabiacali ŭličyć našu punkt pohladu — niazhodu ź niematyvavanaj pazycyjaj. Bo paśla taho, jak byli dazvolenyja «Čarnobylski šlach», a raniej akcyja «niedarmajedaŭ», admova nam u šeści nia maje nijakaha abhruntavańnia.
My padrychtavali piśmovy zvarot z patrabavańniem dazvołu na marš. Bo na toje jon i marš, kab pačać šeściem i skončyć mitynham. Pakolki nam biez usialakaha abhruntavańnia nie dazvolili pieršuju častku, vidavočna, hetyja dziejańni skiravanyja na toje, kab nia dać nam mahčymaści pravieści akcyju ŭ pieršapačatkova zaplanavanym farmacie. Toj dazvoł, jaki nam prapanujuć biaz šeścia i z turnikietam, adpačatku nia moža być efektyŭnym i masavym».
Pavodle Alaksandra Jarašuka, rašeńnie adnosna metazhodnaści praviadzieńnia maršu salidarnaści ŭ prapanavanym uładami farmacie budzie ahučanaje 29 krasavika na čarhovym pasiedžańni arhkamitetu.
«Kali nia budzie šeścia, to hublajecca sens akcyi naohuł», — kaža Jarašuk.
Jon, adnak, spadziajecca, što siońnia-zaŭtra vykankamaŭskija čynoŭniki dazvolać praviadzieńnie manifestacyi ŭ kompleksie — z šeściem i mitynham. U takim razie anansavanaje pasiedžańnie arhkamitetu pravodzicca nia budzie.
Va ŭsich inšych haradach Biełarusi, dzie prafsajuznyja aktyvisty padavali zajaŭki na praviadzieńnie mierapryjemstvaŭ 1 traŭnia — u Bieraści, Baranavičach, Voršy, Mahilovie, Słonimie, — u takim pravie im admovili. Vyklučeńniem staŭ tolki Homiel, dzie haradzkija ŭłady dazvolili mitynh.
Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam29
Kamientary