Turbulentnaść, u jakuju trapiŭ Boeing 777, jaki vykonvaŭ palot z Maskvy ŭ Banhkok, u avijacyi viadomaja jak «turbulentnaść jasnaha nieba». Raniej stała viadoma, što pasažyry rejsa z-za hetaha atrymali vyvichi i pierałomy.
Pa dadzienych avijakampanii «Aerafłot» pryčynaj incydentu na borcie rejsa SU270 z Maskvy ŭ Banhkok, u vyniku jakoha kala 20 pasažyraŭ atrymali roznyja traŭmy, stała takaja źjava jak «turbulentnaść jasnaha nieba». Paviedamleńnie pra heta raźmieščana na sajcie avijakampanii.
«Jaje asnoŭnaja asablivaść u tym, što ŭźnikaje jana nie ŭ abłokach, a ŭ čystym niebie z dobraj bačnaściu, dzie mietearałahičny radyjołakatar nie moža ŭłavić jaje nabližeńnie», — havorycca ŭ paviedamleńni avijakampanii.
Z-za hetaha papiaredzić pasažyraŭ ab niebiaśpiecy i paprasić ich viarnucca na svaje miescy ŭ samalocie ekipaž prosta nie moža.
U noč na 1 maja Boeing 777, jaki vykonvaŭ rejs SU270 z Maskvy ŭ Banhkok, za 40 chvilin da pasadki trapiŭ u zonu mocnaj turbulentnaści. Niekalki pasažyraŭ atrymali roznyja traŭmy, u tym liku vyvichi i pierałomy. Samalot sieŭ u aeraporcie Banhkoka ŭ 03.38, paciarpiełym u vyniku zdareńnia akazvajuć dapamohu.
Dakładnaja kolkaść paciarpiełych nieviadomaja.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)