Kancler Hiermanii Anhieła Mierkiel zajaviła, što ŭ chodzie pieramovaŭ paprasiła prezidenta Rasii Uładzimira Pucina akazać upłyŭ dla vykanańnia pravoŭ homaseksuałaŭ u Čačni, piša VVS.
«Ja kazała ab tym, što atrymała vielmi admoŭnyja dakłady pra toje, što adbyvajecca z homaseksuałami ŭ Čačni, paprasiła spadara prezidenta ab tym, kab jon akazaŭ svoj upłyŭ, z tym kab zabiaśpiečyć zachavańnie pravoŭ mienšaściaŭ», — skazała Mierkiel.
Materyjały ab vykradańniach, katavańniach i zabojstvach homaseksuałaŭ u Čačni źjavilisia ŭ ŚMI ŭ minułym miesiacy. Čačenskija ŭłady admaŭlajuć hetyja abvinavačvańni, Śledčy kamitet i miascovaja prakuratura paviedamili ab pačatku rasśledavańnia.
Siarod tem, zakranutych Pucinym i Mierkiel na pieramovach, taksama byli situacyja ŭ Siryi, vajna va Ukrainie, sankcyi suprać Rasii. Nijakich praryvaŭ pa hetych pytańniach nie čakałasia.
Na sumiesnaj pres-kanfierencyi Mierkiel vykazała nadzieju na toje, što Rasija vykanaje svaju častku minskich pahadnieńniaŭ, što dazvolić Jeŭrasajuzu źniać ź jaje sankcyi. Pucin u svaju čarhu zaklikaŭ praciahnuć mirnaje ŭrehulavańnie ŭ Siryi i rasśledavać chimičnuju ataku pad Idlibam.
Mierkiel prybyła ŭ Rasiju ź pieršym vizitam za apošnija dva hady.
Drukujecca ŭ miežach śpiecyjalnaj rubryki «Naviny Hiermanii»
Ciapier čytajuć
U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi2
Kamientary