Prezident Rasii Uładzimir Pucin padpisaŭ zakon ab zabaronie rehistravać u orhanach ZAHS imiony, jakija składajucca ź ličbaŭ, znakaŭ i nienarmatyŭnaj leksiki, a taksama jakija źmiaščajuć ukazańni na ranhi i tytuły, paviedamlajuć infarmahienctvy.
«Zabaraniajecca zapis imia dziciaci, jakoje składajecca ź ličbaŭ, litarna-ličbavych abaznačeńniaŭ, ličebnikaŭ, simvałaŭ i znakaŭ, jakija nie źjaŭlajucca litarami, za vyklučeńniem znaka «defis», abo ich luboj kambinacyi ci źmiaščaje nieprystojnyja słovy, ukazańni na ranhi, pasady, tytuły», — adznačajecca ŭ dakumiencie.
Aŭtaram zakonaprajekta vystupiŭ sienatar Valancina Piatrenka. Jana pryvodziła statystyku orhanaŭ ZAHS Maskvy z 1998 hoda. Pavodle hetych danych, siarod samych niezvyčajnych imion, jakija atrymali chłopčyki, byli Mikałaj-Mikita-Nił, Delfin, Jarasłaŭ-Lutabor, Łuka-Ščaście Samierset Oŭšen. U dziaŭčat — Palina-Palina, Pryncesa Danieła, Zara-Zaranica, Akijana, Safija-Soniejka.