Прэзідэнт Расіі Уладзімір Пуцін падпісаў закон аб забароне рэгістраваць у органах ЗАГС імёны, якія складаюцца з лічбаў, знакаў і ненарматыўнай лексікі, а таксама якія змяшчаюць указанні на рангі і тытулы, паведамляюць інфармагенцтвы.
«Забараняецца запіс імя дзіцяці, якое складаецца з лічбаў, літарна-лічбавых абазначэнняў, лічэбнікаў, сімвалаў і знакаў, якія не з'яўляюцца літарамі, за выключэннем знака «дэфіс», або іх любой камбінацыі ці змяшчае непрыстойныя словы, указанні на рангі, пасады, тытулы», — адзначаецца ў дакуменце.
Аўтарам законапраекта выступіў сенатар Валянціна Пятрэнка. Яна прыводзіла статыстыку органаў ЗАГС Масквы з 1998 года. Паводле гэтых даных, сярод самых незвычайных імён, якія атрымалі хлопчыкі, былі Мікалай-Мікіта-Ніл, Дэльфін, Яраслаў-Лютабор, Лука-Шчасце Самерсэт Оўшэн. У дзяўчат — Паліна-Паліна, Прынцэса Даніэла, Зара-Зараніца, Акіяна, Сафія-Сонейка.
Цяпер чытаюць
«Я еду натхніцца ўкраінцамі». Святлана Ціханоўская пачала афіцыйны візіт ва Украіну7
Каментары