U Hrodnie ŭ sudzie Leninskaha rajona razhledžana kryminalnaja sprava ŭ dačynieńni da 17-hadovaha žychara Stolina, jaki abvinavačvaŭsia ŭ tym, što za niekalki miesiacaŭ skraŭ praz sacyjalnuju sietku «Ukantakcie» kala 150 miljonaŭ niedaminavanych rubloŭ.
Chłopiec pryznany vinavatym u niesankcyjanavanym dostupie da kampjutarnaj infarmacyi, učynienym z karyślivaj zacikaŭlenaści, a taksama ŭ kampjutarnym sabatažy i kradziažy majomaści šlacham ŭviadzieńnia ŭ kampjutarnuju sistemu iłžyvaj infarmacyi i zamachu na heta złačynstva.
— Maładomu čałavieku pryznačana pakarańnie ŭ vyhladzie pazbaŭleńnia voli terminam na 3 hady biez štrafu, biez kanfiskacyi majomaści, biez pazbaŭleńnia prava zajmać peŭnyja pasady abo zajmacca peŭnaj dziejnaściu.
U adpaviednaści z č. 1, č. 2 art. 77 KK Respubliki Biełaruś prymieniena adterminoŭka vykanańnia pakarańnia terminam na 3 hady, — paviedamiŭ načalnik adździeła arhanizacyjnaha zabieśpiačeńnia sudovaj dziejnaści Hrodzienskaha abłasnoha suda Pavieł Varejka.
Prysud nie ŭstupiŭ u zakonnuju siłu i moža być abskardžany i apratestavany.
Nahadajem, chłopiec kuplaŭ na śpiecyjalnych sajtach paroli ad uzłamanych akaŭntaŭ u sacyjalnych sietkach. Uvioŭšy łahin i parol, Jaŭhien rassyłaŭ ad čužoha imia prośby «dapamahčy z hrašyma». Pa spravie prachodzić kala 200 paciarpiełych.
Kamientary